Popular Bible Verses from Genese 32

Share

Mukwawunindi, ijina deyi hiyakaditena cheŋi nawu Yakobaku, chiŋa nawu Isarela; nanochu chiwunalwishi naNzambi nawantu, hiwukwimika nimushindu.

Mukwawu nindi, O umbuku, hikukucha. Mukwawu nindi, Ami kukuumbaku nehi, chiŋa wunkiswila nkisu.

Yakoba yoshala nikanka windi; muntu hakudikwata nindi nakulwishanindi lwishe-e, nichikwachili.

Yakoba kwenakuna watumbiluku ijina, nindi kuPenieli; nindi, Nanochu chinadimoni naNzambi kumesu, niwumi wami anawuhandishi.

Chamonayi namukaŋanvi, hakumukwata mulukuma lwindi; chakulwishayi nindi mulukuma lwaYakoba himukuchiŋumuka.

Mukwawu wamwililinindi, ijina deyi, yeyinyi? Mukwawu nindi, Yami Yakoba.

Yakoba wamwihwili nindi, Anleji mwani ijina deyi. Mukwawu nindi, Wukwihwiladi ijina dami? Hakumukiswila ninkisu kwokwenoku.

Luwi lweyi lweji mani nsaŋu yeyi yalala yejima yiwunani mwekesheli ami kambuŋeyi, ami hina telukukushikila munehi; ami nazambukili Yodana iwu kwanamutondu wami, hakwila ichi nela dehi niyendu yiyedi.

Anyana kaIsarela dichi chabulilaŋawu kudya mujila wakulukuma, nilelu tuhu chochu; nanochu chakwatiliyi mulutuŋiu lwekata daYakoba mumujila wamulukuma.

Yakoba welili nindi, Eyi Nzambi yatata yami Abarahama, Nzambi yatata yami Isaka, eyi Yehova, yeyi wapilili neyi, Funtaku kwituŋa denu, nikudi antaŋa jeyi, nukukwila mwamuwahi.

Aŋamwini mwani, kudi manakwami, kudi Esawu, namutiyi woma nami wukwinza nakuntapa, nimumbandani anyanindi.