Popular Bible Verses from Likezo 1

Share

Ilaŋa chakenzayi Spiritu Wajila hadenu, mwakatambula Ŋovu, mwakela ayinsahu jami nimuYerusalema, nimwahita Yudeya mwejima, nimuSamariya, nikwakumina maseki.

Yena hakuyila nindi, Nsaŋu jakwiluka mpinji, hela yilaaka, hijenwenuku, jambala jayomweni Tata janatoŋoliyi mwatwalayi muchima windi.

Chanapompuwu nindi hamu, hakuyileja nindi, Bayi mufuma kuYerusalemaku, china muchiŋilila kukana kwakaniniyi Tata, kumwatiyili kudami. Chalala kwaamu, Yowanu wapapatishilaŋa mumeji, hakwila enu akayipapatisha mudi Spiritu Wajila hakadi kuhita mafuku amavulu.

Wadisolweli kudi wena wamumi nayinjikijilu yayivulu, helili nakabi dehi. Wamwekeni kudi wena mwahitili mafuku makumi awana, nakutenatena yuma yaNzambi yawanta.

Chanahoshiyi mwenimu, iku adi nakutala, hiyakumutwala mwiwulu, ivu dimutambula ŋamu, kumumona nawa cheŋi nehi.

Iku achidi kutala mwiwulu mwanayiyi swi-i, nawu akasumuki, hiyakumona amayala ayedi anemani chimu nawena, avwala mahina atooka. Hiyakwila nawu, Enu amayala akuŊaliliya, munemenidi nakutala mwiwulu? Iwu Yesu anatwaluwu mwiwulu, wakenza neyi chochenichi chimunamumoni nakuya mwiwulu.