Popular Bible Verses from Mako 12

Share

Yesu amukumbulwile ngwenyi, Lwalulemu chikuma kuhambakana jikwavo olu ngwavo, Ivwa, ove Isalele, MWATA Kalunga ketu, Apwa MWATA umwe kaha. Zanganga MWATA Kalunga kove Namuchima wove wosena Namwono wove wosena Namangana ove osena Nangolo jove josena. Lwamuchivali lukiko vene olu ngwavo, Zanganga mukwenu ngana omu walizanga ove ivene. Kakweshi lushimbi lweka lwalulemu kuhambakana ejiko.

Yesu asanyikile tumbaji twenyi nakuvamba ngwenyi, Mwamuchano nangumilweza ngwami, Ou pwevo watuliwe muka-kuhutwa nahakemo vyakuhambakana vosena váli nakuhaka muchikasha chakuhaka jimbongo. Mwomwo vosena vanahakemo mawana akusupukaho kuvyuma vyavo, oloze ikiye mukusuvala chenyi, nahakemo vyenyi vyosena apwanga navyo, vyachiyoyelo chenyi chosena.

Yesu atwamine kuze kwakulitalasana nachikasha chamawana, kaha amwene lize lizavu omu lyapwile nakuhakamo jimbongo. Kaha vaka-luheto vavavulu vahakilengamo jajivulu. Kaha pwevo umwe watuliwe muka-kuhutwa, ejile nakuhakamo jimbongo jivali jajindende, josena kujifutula, kulema chajo chinakehelamo chikuma.

Kaha kumuzanganga namuchima wosena, namangana osena, nangolo josena, nakuzanganga mukwenu ngana omu walizanga ove ivene, chinahambakana mawana akulumba osena navimuna vakuvatula.

Yesu avambile ngwenyi, VyaKesale muhanenunga Kesale, kaha vyaKalunga nawa muhanenunga Kalunga. Kaha valikomokelele chikuma mangana enyi.