Popular Bible Verses from Marku 6

Share

Himɓe warooɓe to maɓɓe e hootooɓe ɗuuɗi faa Yeesu e aahiiɓe mum heɓay wakkati ɓe nyaama. Gam majjum o wi'i ɓe: «En jahee nokkuure deƴƴune, gam keɓen ciwtoɗen.»

Yeesu wi'i ɓe: «Annabiijo teddintaake der leydi mum e caka himɓe wuro mum.»

No o wurti e laana kan, o yi'i jama'aare ɗuunne, o yurmaa ɓe, gam ɓee nandi hande baali ɗi galaa duroowo. O darii oo janŋina ɓe kujje ɗuuɗɗe.

O waaway ko waɗi ɗon kayniiɗum gom, to hinaa nyawɓe seɗɗa ɓe o nyawti no o yowi ɓe juuɗe. Haynaare waɗi mo sabbu dullere goonɗinki maɓɓe. Ɓaawo mum, Yeesu e woosito der genniije piiltitiiɗi ton, oo janŋina.

O etti peen joyo e liƴƴi ɗiɗi ɗin, o tiggitii dow kammu, o yetti Alla. O ŋappiti peen kon, o hokki aahiiɓe ɓe jeɗa himɓe. Hande nun o waɗi e liƴƴi ɗiɗi ɗin bo. Ɓe fu ɓe nyaami faa ɓe kaari. Peen koriiko e liƴƴi koriiɗi hawritaa, hebbi killaaje sappo e ɗiɗi.