Popular Bible Verses from Matiye 24

Share

Hallande yahan e ɗuuɗa faa yidde himɓe ɗuuɓɓe feewta. Amma munyuɗo faa timmoode, hisan.

Linjiila dow *Laamaare Alla waajete der duuniyaaru fu, gam ɗum laatanoo lenyi fu seedaaku. Den, timmoode duuniyaaru waran.»

On nanan habaruuji konuuji e rimmo konuuji e batanee, amma to on kulee! Doole nun ɗum waɗa, amma timmoode bane ɗon taw.

Lenyol ummanto lenyol hawre. Laamaare ummanto laamaare bannun hawre. Rafo e dimmaaɗe leydi waɗan der nokkuuje goɗɗe. Ɗum ɗon fu laati nun hande fuɗɗoode ŋatawre.

Kammu e leydi heennyan, amma haala am heennyataa faa abada.»

Gam ɗuuɓɓe waran e inne am, ɓe bi'a, kamɓe nun woni *Almasiihu. Ɓe majjinan himɓe ɗuuɓɓe.

Den himɓe wattan on e juuɗe woɓɓe gam tooreɗon, bareɗon. Lenyi fu wanyan on gam inne am. Wakkati mum, himɓe ɗuuɓɓe accan goonɗinki, ɓe jammontiran, ɓe banyontira hakkune maɓɓe. Annabiiɓe fewooɓe ɗuuɓɓe waran, ɓe majjinan himɓe ɗuuɓɓe.

Yeesu toontii ɓe, wi'i: «Kakkilee, to on accee goɗɗo majjina on.

Gam majjum, kakkilee onon bo, gam Ɓii neɗɗo waran der wakkatiire ne on miilay.»

To non, deenee, gam on annaa wakkati de Joomiraawo mooɗon warata.

«Amma nyalaane e wakkati majjum, walaa annuɗo ɗum. Baa *malaykaaɓe wonuɓe dow kammu annaa, baa *Ɓiɗɗo bo. Walaa annuɗo ɗum sey *Baaba tan.

Gam almasiihuuɓe e annabiiɓe fewrekuuɓe waraan. Ɓe gaɗan kaayeefiiji mawɗi, e haaynaareeji ɗuuɗɗi, gam ɓe majjina baa e suɓaaɓe, to waɗoto.

Hande no ɗum laatino der jaamanu Nuuhu, hande non garki *Ɓii neɗɗo bo laatoto. Go ilam tufaana wara, himɓe e nyaamanno, e yaranno, e ɓaŋanno, e ɓaŋana ɓiɓɓe mum, faa nyalaane Nuuhu naati laana diyam. Ɓe miijanaaki ɗum, faa ilam tufaana wari halki ɓe ɓe fu. Hande non garki Ɓii neɗɗo bo laatorto.