Popular Bible Verses from NAANAA 39

Share

Dikiri kú kũ Yusufuo, akũ à sa'a kũ̀. À kú a dikiri Misila gbɛ̃ pì bɛa.

Akũ Pɔtifa a pɔ́ sĩnda pínki nà Yusufunɛ a ɔĩ. A bàka kú yãkeoro, tó adi kɛ pɔ́ble baasiro. Yusufu sɔ̃ bi gɔ̃ kɛfɛnnamɛ, akũ a zɛna mana.

Akũ dãkpãrii pì purusunanɔ nà Yusufunɛ a ɔĩ ń pínki, òdi yãke kɛ a sariro.

Akũ à pì ò Yusufu kũ ò a da kpɛ́siran, gu kũ gbɛ̃ kũ kína bàa dɔ̀ḿmanɔ kátɛn, akũ à gɔrɔ pla kɛ̀ gwe. Bee kũ abireo Dikiri kú kãao à gbɛ̃kɛ kɛ̀nɛ à tò a yã kà purusunanɔ dãkpãrigu.

Zĩkea Yusufu ni gɛ̃̀ a dikiri nanɔgu, akũ à pìnɛ: Ǹ wútɛ kũmao. Akũ à gì à pì: Ǹ gwa, ma dikiri bàka kú yãkeo ɔn dí gũn doro, à pɔ́ kũ à vĩnɔ nàmɛnɛ ma ɔĩ pínki. A gbãna demala ɔn dí gũnlo, adi gímɛnɛ kũ pɔ́keoro, sé mɔkɔ̃n, kũ ń de a nɔ ũ yãi. Mani fɔ̃ mà yã vãni bire taka kɛ mà durunna kɛ Ludanɛro.

Zĩkea kũ Yusufu gɛ̃̀ kpɛ́n a zĩ kɛ, à sù à lè ɔn zĩkɛri ke kú kpɛ́ gũnlo. Akũ nɔgbɛ̃ pì a kũ̀ a utaa à pì: Ǹ wútɛ kũmao. Akũ Yusufu a uta tònɛ gwe à bàa lɛ̀ à bò bàai.