Popular Bible Verses from Luka 16

Share

“Koon an i tikno koowa lauter mishto krella, kowa krell ninna an i baro koowa lauter mishto. Koon i tikno koowa gar mishto krella, kowa krell ninna i baro koowa gar mishto.

Kek budepaskro budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, ko wawares kamals job o djijestar. Tu nai budreh gar o Debleske un leh tiro brawlepen khetne!”

Te djan tumer gar mishto trujel kol lowentsa, hoi gar atchenna, koon dell tumen nai ko brawlepen an o wast, hoi atchella? Te djan tumer wawar menshengro brawlepen gar mishto trujel, har nai dell tumen o Dewel kowa an tumare wasta, hoi kamell lo tumen te dell?

Penas o Abraham: Te shunenn le gar ap o Mose un ap kol Debleskre rakepangre, shunenn le witar gar ap jekeste, kai stas i mulendar pre.

Koon peskri romjat mukella, un romedinerell i wawar djuwjat, kowa chochell peskri ersti romjat un anell doosh ap peste. Un kowa, kai romedinerell i mukli djuwjat, kowa anell doosh ap peste, te las lo i wawareskri romjat.”