Popular Bible Verses from Mark 16

Share

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

An `nian atrɛ nga be nga be lafi su'n be wa yi-ɔ: N dunman nun be ´fuan asiɛ usu mun, be ´ijɔ aniɛn uflɛ mun, be ´tra wuo mun, sɛ be nɔn like wie b'ɔ kun sran'n, ɔ su yo-man be sa fi. Be ´fa bé sa fua tukpacɛfuɛ'm be su, be ´yo juejue.»

Sran ng'ɔ lafi su nan be yo i batɛm'n, ɔ ´fite nun, sanngɛ ng'ɔ lafi-man su'n, be ´se kɛ ɔ'a di fɔ.

Yɛ be ko kannin ndɛ'n lika'n kwlaa nun. E Min Nyanmiɛn nin be dili junman, ɔ man be yili atrɛ b'ɔ kle kɛ be ndɛ'n ti nanwlɛ.]

Ɔ seli be kɛ: «Nán srɛ kun amun. An su kunndɛ Jésus b'ɔ fin Nazarɛt'n bɔ be boboli i waka'n su'n, ɔ cɛnnin, ɔ nun-man wa, an `nian kan be sieli i'n yɛ .

Kɛ be mannin bé nyin su'n, be wunnin kɛ b'a kondo yɛbuɛ dan sɔ'n. Kɛ be wlu ndia nun'n, be wunnin gbanflɛn kun, tralɛ ufue tɛnndɛn wo i wun, ɔ ti ase fama su lɛ. Ɔ man srɛ kunnin be.