Popular Bible Verses from Matie 28

Share

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun . Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Sanngɛ anz'n seli bla'm be kɛ: «Amun liɛ'n, nán srɛ kun amun, afin n si kɛ an su kunndɛ Jésus bɔ be boboli i waka'n su'n. Ɔ nun-man wa, ɔ'a cɛn kɛ ɔ kan kleli amun kɛ ɔ ´cɛn'n sa. An `bla be wa nian lika ng'ɔ lali nun'n

Yɛ Jésus seli be kɛ: «Nán srɛ kun amun, an `wɔ ko se n niaan'm be kɛ be wɔ Galile lɔ, lɔ yɛ be ´wun min-ɔn.»

Kɛ Nyanmiɛn nyrun jranfuɛ dandan mun nin kpɛnngbɛn'm be yiali bɔ be wunnin bé wun'n, be mannin sonja'm be sika lɔuun kpa nan b'a se be kɛ: «An `se kɛ: ‹Kɛ e ´lafi kɔnguɛ'n, i sɔnnzɔnfuɛ'm be wa fɛli i fuɛn'n.› Sɛ kpɛnngbɛn'n ti ndɛ sɔ'n, e ´kpɛtɛ i, e ´de amun, ɔ man ɔ su kle-man amun yalɛ.» Sonja'm be sɔli sika sɔ'n nun nan b'a yo kɛ be kan kleli be kɛ be yo'n sa. Be ndɛ sɔ'n truli Zuif'm be nun lele fa ju ndɛ.