Popular Bible Verses from Lik 6

Share

An `cɛ sran like, yɛ Nyanmiɛn kusu ɔ `cɛ amun wie-ɔ, ɔ ´man amun kpanngban kɛ like bɔ be su be tintin su, yɛ be kejekeje i, b'ɔ yi bu gua'n sa, afin suliɛ nga an su nun man sran wie mun'n, i kunngba'n nun yɛ Nyanmiɛn ´su nun man amun-ɔn.»

Sran kpa'n ɔ yi like kpakpa b'ɔ o i anwlɛn b'ɔ ti kɛ bɛtrɔ sa'n nun, sran tɛ'n kusu yi like tɛtɛ i bɛtrɔ'n nun, afin ndɛ kwlaa ng'ɔ o sran i anwlɛn nun'n, yɛ ɔ fite i nuan-an.»

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

An `si aunnvuɛ, kɛ amun Si kusu si aunnvuɛ'n sa.»

«Nán an kan sran wun ndɛ, yɛ Nyanmiɛn su kan-man amún wun ndɛ, nán an bu sran fɔ, yɛ Nyanmiɛn su bu-man amun fɔ, an `yaci sa nga be yo amun'n cɛ , yɛ Nyanmiɛn kusu ɔ ´yaci amun liɛ'n cɛ amun-ɔn.

«Sanngɛ n ´kan kle amun bɔ an tie min ndɛ'n kɛ be nga be nin amun kun'n, an `klo be, be nga be kpɔ amun'n, an `yo be kpa. Be nga be wua amun amuɛn'n, an `yra amún nuan man be, yɛ be nga be yo amun tɛtɛ'n, an `srɛ Nyanmiɛn kɛ ɔ yo be kpa.

Like nga an klo kɛ sran yo man amun'n, an `yo i wunsu man be.

Sɛ sran wie kpaci ɔ nyrun'n i bue kun'n, kaci i bue kun ekun mɛn i. Sɛ sran wie de ɔ tralɛ dan'n, nán se kɛ a fa-man tralɛ kaan kusu'n mɛn-mɛn i. Sran kwlaa ng'ɔ srɛ wɔ like'n, fa mɛn i, sɛ sran wie fa like ɔ́ sa nun'n, nán kɔ i sin kɛ ɔ fa man wɔ.

«Waka kpa'n ɔ su-man mma tɛtɛ, yɛ waka b'ɔ ti-man kpa'n, ɔ su-man mma kpakpa.

Afin kɛ waka kun ti'n, yɛ i mma'n ti-ɔ. Be ti-man figie mma owie-owie nun yɛ be ti-man vinyi mma flɔn su.