Popular Bible Verses from Bo Bolɛ 26

Share

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

N ´yo man ɔ osu nunfuɛ'm be ´sɔn kpanngban kɛ nglo lɔ nzraama mun sa. Kpɛkuun n ´fa lika nga kwlaa m ´man be. Be ti yɛ n ´yo asiɛ'n su nvle-nvle'm be kwlaa be ye-ɔ. Yɛlɛ kɛ Abraam fali mín nuan ndɛ'n su. Ɔ niannin min mmla fanunfanun'm be su.»

Ɔ yacili i lɛ ko kpɛli gbo kun ekun, b'a kɛn-mɛn i li su ndɛ kun nan ɔ'a flɛ i kɛ Reobɔt. Reobɔt i bo'n yɛlɛ lika tɛtrɛ. I waan: «Anannganman ɔ'a yo man y'a kpɛn lika gbaun nun, ɔ man e wa nyan ye lika nga nun.»

Anannganman fiteli i nyrun nan ɔ'a se i kɛ: «Nán kɔ Ezipt. Lika nga n wa kle wɔ lɛ'n, lɛ yɛ tran-an.

Izaak kplannin Nyanmiɛn sɔwlɛ kun lɛ, ɔ bo guali Anannganman wun, nan ɔ'a kplɛn i tannin sua'n lɛ. Kpɛkuun i sran'm be kpɛli gbo kun ekun.