Popular Bible Verses from Bo Bolɛ 21

Share

Anannganman sili Sara i aunnvuɛ. Ɔ yiali ndɛ ng'ɔ kan kleli i'n i nuan mɛnnin i.

Nyanmiɛn tili ba'n i sunlɛ'n. Nyanmiɛn i anz'n wo nyanmiɛn su lɔ ɔ flɛli Agar. Ɔ usɛli i kɛ: «?Agar, nguɛ sa-a? Nán srɛ kun wɔ. Nyanmiɛn tili ba'n i sunlɛ'n kan i bɔbɔ o lɔ'n. Jaso ko man ba'n su nan trɛ i sa. N ´yo man i osu'n ɔ ´trɛ ɔ ´kaci nvle dan.»

Ɔ nin Abraam bɔ ɔ'a yo oke'n be wunnzɛli nan ɔ'a wu ba yasua kun ɔ'a mɛn i blɛ nga Nyanmiɛn kleli'n nun.

Sara seli kɛ: «Ee! Min yɛ Nyanmiɛn man m'an kwla sri yɛ. Sran kwlaa ng'ɔ ti ndɛ nga'n ɔ ´kle i srilɛ.»

Sanngɛ Nyanmiɛn seli i kɛ: «Wɔ afanniɛn bla'n nin i wa yasua'n be ti nán koko. Ndɛ nga Sara kɛnnin i lɛ'n yɛ yo-ɔ. Afin osu nga n kɛnnin i kɛ m ´man wɔ'n ɔ fin Izaak.

Sanngɛ wɔ afanniɛn bla'n i wa'n i osu liɛ'n kusu ɔ wa trɛ wie, ɔ ´kaci nvle kun, afin ɔ wa wie-ɔ.»