Popular Bible Verses from YAHYA 6

Share

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

Roh, Ieh ineh luk ngulun, idi burur, sebuleng pana' na ulekneh. Idi bala luk Ui mala kuan muyuh ngacing Roh Allah luk maré ulun.

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

Ngaceku ini pian TamanKu, pad amung-amung luk nier Anak ineh idi manu Neneh miak ngalap ulun luk meruked, idi Ui ini miak nui nedeh kareb aco luk kekiped.”

Idi kebala Yésus, “Ini luk pian Alah ruen muyuh, do' muyuh manu Neneh luk icuk Allah ineh.”

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

Idi kebala Simun Pétrus Neneh, “O Tuhan, amé' nidéké kai? BalaMu mo' luk maré ulun luk meruked.

Ui ini Ruti luk mulun, luk temurun rat surga. Kudeng idé lemulun kuman ratnan Ruti ini, ieh miak mulun ruked-ruked. Idi Ruti luk barénKu ineh, ieh ineh bururKu. Ui maré ineh pad tana' ini ngalap ulun.”

Seburur pana' na miak macing Negku kudeng niatneh na rinuid Taman luk nengecuk Negku; idi Ui ini miak nui neneh kareb aco luk kekiped.

Ngaceku Ruti Allah, Ieh ineh luk temurun rat surga idi luk maré ulun kuan uang tana' ini.”

Ui ini Ruti Ulun.

Yésus nengalap ruti ineh, idi nemaré ubur nan Allah, idi Ieh nemabpat ineh kuan lun mula' luk tudo ineh. Kudeng ineh teh lawid ineh pana' bibpatNeh. Idi amungdeh nekuman dengan petap. Kareb amung-amungdeh mebor, idi Yésus nepebala inan anak-anak sekola'Neh, “Ngamung amung-amung tecehneh, pad sesuut pana' na talan.”

Kareb ideh pangeh peribué lélé teluh apat batu kiadoneh, denak-denak ideh nenier Yésus nalan luun abpa' takung ineh, macing muneng ku aluddeh, idi ideh matot. Iamo' kebala Yésus nedeh, “Ui ini, aleg matot.”