Popular Bible Verses from Marcos 4

Share

Töpö kuu ha, Jesus a natalo nö, ipoko ta pata wasulöma. ‑Kua tihöö!‑ a kuuma. A kuu nö, kosoto u pata na, ‑Ĩ na pätawöö! Kalipalo tihöö!‑ ĩ na kosoto u noa thama. Noa thali ha, ipoko ta pata maa kõa soatasoma. Kosoto u pata kalio mai, tuu pata kua kõo soatasoma. Tuu pata kua kotaköma, Jesus aiki, ‑Wi na tä kuaö ha makö kili ipaö? “Teusö anö makö noama kitä” makö pi kuu mai‑ ĩ na ĩ töpö na Jesus a kuuma.

Ĩ na a kuu ha, töpö kili ipa nö, ‑Hi Jesus a hai, ĩ witi a pasiwö? Ĩ na ipoko tä noa thaö ha, ĩ ipoko tä maaki, Jesus a hini hö̃töopa wi. Kosoto u noa thaö ha, ĩ kosoto u patanö Jesus a hini hö̃töopa wi, kalio mai tuu pata kua kõo soataki ke‑ ĩ na kama töpö noa thasoma.

Maa tuu kasö manöka waikia tä, kutiata kolo ha Jesus a mia kai makeo pikitioma. Watata ösö kauko na a nakö tökö maketioma. A mia kai maketia tä, ai töpönö a namanö nö, ‑Jesus ai! Makö nasi tuo pia kule maaki, kawa aiki, “Ĩ na tä kua päoö” ĩ na wa pi kuu hãto alu kule‑ ĩ na Jesus a na, töpö kili ipa salo, ĩ na töpö kuuma.

A kuu nö, ‑Teusö a kai ha wa sömöka taa totiköma, kawa na Teusö anö ta hinimoma hö̃töo kitä. Wani ipii Teusö a kai ha wa sömöka taö ha, wani ipii Teusö anö ta hinimoma hö̃töo kitä. Pe epii wa sömöka taö ha, pe epii wa ta hinimoma hö̃töo kitä.

Ĩ na Jesus a kuu nö, ‑Sanöma tänö pili mo wai tököma, mo pala kulaso wi na, ĩ na sanöma töpö na Teusö a simöo sinomoti wi, ĩ töpö pala kua hö̃tösoö. Wa mo tököma, ai tä mumi ha wa mio kõo, ai tä mumi ha wa mio kõo, ai tä mumi ha wa mio kõo, ĩ na wa kuati pi motöati pola tä, mo wai ãkea totia hãtoa pasilo nö, mo patasoö. Mo patasoö ha, “Ĩ ka pi tänö mo pata hö̃töa nö kilisoma?” wa pi kuu.

Ĩ na a kuu nö, ‑Sa kai a hini pi topa totile, ĩ pö sömöka taa totikiö!‑ ĩ na Jesus a kuuma.