Popular Bible Verses from João 7

Share

“‘Jesus a pitili’ ĩ na wa pi kuu ha, õsi palimipamani wi, pili wa õsi ha ĩ nasimö tuu haapo opaö, tuu kaläpo opaö, ĩ na tä kua kitäö!” ĩ na Teusö tä waheta kuu‑ ĩ na Jesus a kuuma.

Ĩ na tä kua tä, töpö iapalo mapo totio piale, ĩ tä wakala na töpö pewö kokamo pole, ĩ tä Jesus a öpaiki nö, lope epii a hapalo nö, ‑Wa amisi ipö salo, kamisa na wa waloa hö̃köa toitaiki nö, kamisa na wa tuu nakalö nö, wa tuu koalöpöö! Wa amisi ipö salo, maa tuu kuo pa wa walotaiki nö, maa wa tuu kotalöma, wa pi topa kua kotaso kua wi na, ĩ na wa pi otatalo opa kua kule maaki, kamisa na wa waloa hö̃köa toitaiki nö, sa hini kuköma, wa pi topa apa hö̃töa kotaso kitä.

‑Tuu haapo opaö‑ Jesus a kuu pole, ĩ Teusö a õsi kua tolele, ĩ ta kateha kule. ‑Jesus a pitili‑ ĩ na töpö pi kuu wi, ĩ töpönö Teusö a õsi kua tolele, ĩ a pi sua piale, Jesus anö ĩ a katehama. Hi tä hẽtu ha Teusö a kulali, ĩ hamö Jesus a kõo paiolö mi tä, hi tä uli ha a kuo soa paioma kutenö, Teusö a õsi kua tolele, ĩ a totoa paio maama.

Ai ma tä möö nö, “Ĩ a wanisala” pö kuu soa päto tihöö! Ĩ a kuati wi, ĩ a na wa pi tapoa totia paiki nö, “Ĩ a kuati wi, Teusö anö ĩ tä taa wani” ĩ na makö pi kuu totio nö, “Awai. Ĩ anö wanisala tä thama” ĩ na pö kuu makoka totihoö!‑ ĩ na Jesus a kuuma.

“Ai tänö sa simöa pasio mai, kama sa pi saimo päo nö, sa ta wäsä pasio päoö” ĩ na ai tä kuu wi, ĩ anö, “Ta wäsä pole, ĩ anö tä taö öpapawö” ĩ na töpö pi thama pi topa apa päa salo, ta wäsäti päoö. Ai tä aiki hö̃töwö, “Ki a patanö sa simönöma kutenö, sa ta wäsä toleati päoö” ĩ na ĩ a kuu wi, ĩ anö, “Pata tänö a simönö noai, ĩ a patanö tä taö öpa asawöö!” ĩ anö ĩ na töpö pi thama pia salo, ta wäsä päoö. Ĩ a pitilimo totio opa asaö. A holisimo mi.

‑Kama sa pi saimo nö, sa töpö pi hatukama mane. Sa simönö noai, ĩ aiki, “Ĩ nakö totiwöö! Ĩ nakö totiwöö!” a kuu sinomo wi, ĩ sa ta wäsä toleati päoö.

A kuu nö, ‑Sanöma töpönö kamakö wanipo tai mi ipö asawö. Kamisa wanipo pasio sinomoö. Sanöma töpö na, “Wanisala ma tä thaa sinomo opawö” sa kuu ha, sa wanipo opa sinomo sai thaliö!