Popular Bible Verses from Jọnụ 16

Share

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

“Kanị nị m gwa ụnụ ezioku, erere ụnụ rọ nị m pụ apụ; makẹni, Onyẹ-eyemẹka ahụn abịakọ mmanị m lama alama. M lamagụ kẹ m'a nọ zihẹni ụnụ ya. Ọ bịa, ịya sikọ d'a ghọsị ụwa njọ wẹ, ghọsị wẹ ihiẹn wụ ezi-omumẹ, ghọsị wẹ kẹ ikpe dọn ma wẹ.

Ẹrịra kẹ ụnụ rị nwan a hụnjun ẹnya; kanị, nị m hụnzịghọ ụnụ; ogẹn hụ, ịghọghọ e jun ụnụ obi; onwọnni onyẹ k'a napụ ụnụ ịghọghọ hụ. O ru ogẹn hụ, ẹlẹ hụn ụnụ e gi jụmazị m ajụjụ. “Ezioku kẹ m rị a gwa ụnụ, ụnụ gi ẹfan m rịọ Chuku-Nẹdi ihiẹn, n'o yeghọ ụnụ ya.

M rị a gwa ụnụ ezioku nị ụnụ k'a gha a kwan, e goo, ụwa nkẹ hụ a ghọghọ; ụnụ k'a sụkụrụ (gbusuru) kanị, o nọbe, ịghọghọ a nọkin ẹnya ẹkwan hụ.