Popular Bible Verses from Jẹnẹsisi 27

Share

Osolobuẹ ya hukpu i igirigi elu-igwere; ya mẹ alị mẹn'i ihiẹn ọhụnma-ọhụnma; ya mẹ i nwọn ihiẹn-oriri lẹ ihiẹn w'a ra ọhụnma-ọhụnma. Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Ya Isọ nọ sị, “Ẹlẹ ya haịn wẹ gi gụn a Jekọpụ? Hụnnị mẹpụ mgbe ẹbụọ o gi aghịghọ napụ m ihiẹn wụ nke m: ọ napụgụ m ọkwa nwa-ibuzọ, hụn wụ nke m, ọ napụzị m nwan ngọzi m!” Ya Isọ nọ sị nẹdi ẹ, “Onwọnni nwan ngọzi i latọnị m?”

Ya kẹ Aziki nẹdi ẹ nọ sị a, “Lee ẹ, ebe i k'e bi ẹlẹ ebe alị a nọ mẹ ihiẹn ọhụnma-ọhụnma mọbụ ebe wẹ n'e nwọnhẹn igirigi elu-igwere. Ọpịa-agha ị kẹ y'e gi bi; ị k'a wụ odibo nwẹnẹ i — kanị, ogẹn ndụn elu i e gi gụ ị, ị k'a lụbepụ agbụn a olu i.”

Isọ a sị nẹdi ẹ, “Euu Baba, ya wụ ngọzi ohu sụsụọ k'i nwọn? Euu Baba, gọzi m; gọzizi mmẹ nwẹn!” Ya Isọ nọ kwan ezigbo ẹkwan, a nụ wẹ olu ẹ.