Popular Bible Verses from Iroma 6

Share

Amu ore olekoisiaayio loo ng'ok naa keeya; kake ore enkishorunoto e Nkai e pesho naa enkishui oo ntarasi tiatua Kristo Yesu Olaitoriani lang.

Amu meitoki eng'oki aitore intae, amu meekure itii abori inkitanapat kake tiabori empiris itii.

Naa ore anaa ina nikitaa nabo o ninye te keeya enye te nkibatisa ang, netaa ina ketunukayioki iyiook te nebo ninye, neaku ina naitopiwuo Papa ninye too lootuata te nkias e nkitoo, neaku ina enkishui ng'ejuk te iyiook.

Emincho rubat oo seseni linyi eaku entoki naasishoreki te nkarruoisho, kake enchoo ate Enkai anaa iltung'ana ooitopiwuoki aaitung'uaa keeya meetu puaan, ninchosho Enkai irubat oo seseni linyi metaa ntokitin naaisiaaishore esupatisho.

Nikiyiolo aajo etashoki enkorrok ang musana te nebo o Kristo peyie eitarruorri osesen loo ng'ok pee mikintoki aaku rrindiki loo ng'ok.

Enkenai sii intae ate nchere ituata tialo ing'ok ninchushu tialo Enkai tiatua Kristo Yesu.

Aikijo aa naa? Aikienikino atua ing'ok pee eponari empiris? Mme nejia pae! Kaji iyiook kinko ilootuata tialo ing'ok ti nikintoki aaenikino atua?

Aimiyiololo aajo ore ake olinchosho meitoria intae niakuku rrindiki lenyena, nitaa irrindiki le ilo lining'ining'i, aa too ng'ok naa ore pee aa ng'ok isiayiayia neiting'oki keeya; ore pee aa Enkai ining'ining'i, neiting'oki esupatisho.

Kake ashe te Nkai amu ore intae oora apa rrindiki loo ng'ok nitaa ilooning'isho too ltauja, aaning ina kiteng'enare naishooki intae. Naa ore pee elakuni intae too ng'ok niakuku irrindiki le supatisho.