Popular Bible Verses from Marko 9

Share

Nejoki Yesu ninye, “Eji te nindim Keidimayu imbaa pooki to loiruk.”

Nebuak nabo kata menye ina ayioni nejo, “Airuko, ore eneton eitu airuk taretokoki!”

Ore pee ejing atua aji, neikilikuan lkipaareta lenyena too nkurrat aajoki, “Kainyoo pee eitu kindim iyiook aatarai ninye?” Nejoki, “Meararoyu ena pukunoto ti ae oitoi neme te nkomono ake.”

Sidai emunyan; kake amaa te nelau emunyan enkisukut enye, kaji eikoni pee eitokini aaisukutie? Enoto emunyan tiatua ate, nitonini te seriani intae maate.”

“Ore pooki ong'amu enkerai anaa ena te nkarna ai, nanu eng'amu; ore olaang'amu, neme nanu ake eng'amu kake ilo laairriwua.”

Kesipa, ajoki intae, ore ake oloisho intae enkikompe e nkare entook te nkaraki naipotieki intae Kristo, nemeeta nchere pee etala olerrinyore lenye.

“Ore ake oloitapong'oo nabo e kuna kutiti naairuk nanu, enaikash te neenikini ninye osoit oiutuutishoreki emurt, nenang'akini enaiposha.

Naa ti nikintapong'oo enkong'u ino, tukurtu; enaikash ti nijing enkitoria e Nkai iata enkong'u nabo alang ti nikinang'akini Yehanam iata inkonyek pokira are