Popular Bible Verses from Luka 13

Share

“Entonyok eimu kutuk aji napirik; amu ajoki ntae, eyooki lkumok aaing'oru pee eimu nelaikino.

Netii enkitok naata oloirirua le lepori too larin tomon o isiet; neaku keirrugori meidim ataraposhunye. Ore pee edol Yesu ninye, neipot, nejoki, “Na kitok, kitooruoki emuoyian ino.”

Neiteleiki nkaik enyena, neraposhunye teina kata. Neisis Enkai.

Naa ketii ile siadi ooaku ile dukuya, netii ile dukuya ooaku ile siadi.”

Ore ake pee eaku einyo olopeny enkaji aiken kutuk aji, ninteruru aaitashoo te boo ioshiosho kutuk aji ijojo, ‘Olaitoriani, tabolu iyiook.’ Newaliki ninye ntae ajoki, ‘Mayiolo nanu ajo kaji ing'uaa.’

Ajoki ntae mme nejia; kake te neitu irridudu sii ntae nindaayaya aaiko nejia.

Kake kejoki ninye ntae, ‘Ajoki ntae, mayiolo nanu ajo kaji ing'uaa; entalamaki nanu, intae pooki oora laasak loo ntorrok?’

Neitoki taa Yesu aikilikuan ajoki, “Kaji eikununo enkitoria e Nkai? Naa kainyoo pasa eitanyaanyukieki? Etiu anaa enkantererai e karadali natuuno oltung'ani te nkurma enye; nebulu aaku olchani, nemany imotonyi ilng'osil lenyena aapik inkajijik enye.”