Popular Bible Verses from Yohana 14

Share

Atung'eikia intae eseriani, aishoo intae eseriani ai. Aisho intae neme anaa enaishoru enkop. Emincho ltauja linyi enyamalu; emincho eureishoyu.

Nejoki Yesu ninye, “Kara nanu enkoitoi o esipata, o enkishui. Metii oltung'ani olotu enetii Papa mme nanu eimayie.

“Emincho enyamalu iltauja linyi, eruko Enkai nikirukuruku sii nanu.

Kake lido Autaroni, ora Enkiyang'et Sinyati oirriu Papa te nkarna ai, oitayiolo intae imbaa pooki neitadamu intae nena pooki natolikio intae.

Ore oloata nkitanapat aainei, neibung ninche, ninye laanyor; naa ore olaanyor kenyorru Papa ninye, naa kanyorru nanu ninye. Naa kaibalakinye kewan ninye.”

naa kaomon nanu Papa, naa keisho intae likae Autaroni metobiko te nebo intae intarasi; laa Enkiyang'et e sipata, lemeng'amu enkop amu medol ninye nemeyiolo ninye. Iyiololo intae ninye amu keton tiatua intae, netii atua intae.

naa ore pooki niomonunu te nkarna ai, ina aas, pee etumi aaterrep Papa te nkaraki Enkerai. Tinikiomonono toki te nkarna ai naa kaas ina.

“Te naa aikinyorrinyorro nanu naa imbung'ubung'u nkitanapat aainei

Etii enkaji e Papa ilgilat kumok amaa, te neme nejia etiu kanaata atiaaka intae, kalo aitobiraki intae ewueji?

Naa te nalo aitobiraki intae ewueji, naitoki ashukunye, naa karikoki intae kewan paa ore enatii nitii sii intae.

Nejoki Tomas ninye, “Lo Kitok mikiyiolo enilo; kaji kinko ti nikiyiolou enkoitoi?”