Popular Bible Verses from Enkiterunoto 49

Share

Meing'uaa eng'udi e nkitoria enkaji e Yuda, aashu orinka le nkitoria empolos oo nkejek enyena, ometaba anaa nebaiki ninye olopeny, neaku enenye enkanyit oo iltung'ana pooki.

Ore Yosef naa olng'osila oiu ilng'anayio, olng'osila loo lng'anayio te nkong'u enkare. Keibulaa ilng'osil lenyena esuntai. Kearare ilang'orok loo mbaa ninye te ngolon, neng'or ninye, neitagor ninye oleng.

Nemeing'unung'unieki hoo enkawuo enye, neitaariyiani inkaik enyena, inkaik Olmagilani le Yakobo (Te nkarna e ilo Shekut, Endapidapoi e Israel). Te Nkai e papaai lino laa ninye likiret iyie, te Nkai Magilani laa ninye likimayian iyie, too mayianat e keper e shumata. Imayianat oo neegut naairrag tiabori, imayianat oo lki o ene nguset.

Yuda, aikisis iyie ilalashera linono; Neibung inkaik inono imurto oo lmang'ati linono; ore ilayiok le papaai lino naa keirrugo te dukuya iyie. Ore Yuda naa ketiu anaa olkuoo lo lng'atuny; olotu eing'uaa eng'orore, enkerai ai ilepa iyie. Itadowuo iyie anaa olng'atuny aitirring'a, anaa elipong olng'atuny, aing'ae oitieu atuputu ninye.

Ruben, ira iyie olkikau lai, engolon ai, naa olng'anayioi le dukuya lai le ngolon ai. Oloituruk lo lwuasa naa oloituruk te ngolon. Olemeitirring'a anaa enkare, miaku iyie ololus te pooki, amu itijing'aka endapash e papaai lino; ina peyie isarkionie ninye ishomo endapash ai ainyal.