Popular Bible Verses from Enaidurra 16

Share

nejoki ninche, “Enaikash apa tenaa eikituata te nkaina o Laitoriani te nkop e Misiri, ina kata apa kitoni te mbata oo motiok oo nkiri nikinya imukateni aaraposho; amu intupukutuo intae iyiook aayau ele purkel, matuata ena umata pooki te sumash.” Neitoki Olaitoriani ajoki Musa, “Ng'ura, ekashau imukateni naaing'uaa shumata te nkaraki intae; naa kepuo iltung'ana aaiturrurru endaa naidip ina olong, pee atem ninche tenaa keibung nkitanapat aainei anaa emeibung.

Neing'unyung'unyaki olturrur pooki loo ltung'ana le Israel Musa o Aron te ilo purkel

Nejo Musa, “Te neisho intae Olaitoriani teipa inkiri ninyanya neisho intae tadekenya imukateni aiputaki, amu etoning'o Olaitoriani enking'unyung'uny inyi ning'unyung'unyakita ninye. Eikira iyiook nyoo? Ore enking'unyung'uny inyi neme enaang kake eno Laitoriani.”

“Atoning'o inking'unyung'unyat oo ltung'ana loo Siraeli; tiaaki ninche, ‘Ore teipa ninyanya inkiri, ore tadekenya neiputakini intae imukateni, pee iyiolouu aajo kara nanu Olaitoriani Enkai inyi.’ ”