Popular Bible Verses from Enaidurra 10

Share

Neitoki Olaitoriani ajoki Musa, “Tijing'aki Farao; amu aitagolo oltau lenye o oltau loo laisiaayiak lenyena, peyie atum aitoduaai kuna kitoduaat aainei enking'asia nataasa tiatua ninche, peyie itum aitoning'o olayioni lino o layioni lo layioni lino enaikuna peyie aitomod Ilmisiri too nkitoduaat aainei enking'asia nataasa tiatua ninche; peyie iyiolouu nchere kara nanu Olaitoriani.”

Neitoki Olaitoriani ajoki Musa, “Ntorioi enkaina ino ing'orie shumata peyie ejing enaimin enkop e Misiri, enaimin narok ong'u.” Neitorioo Musa enkaina enye aing'orie keper nejing enaimin sapuk atua enkop e Misiri nkolong'i uni; neitu ninche eduaa maate neitu edumunye hoo ng'ae te wueji enye too nkolong'i uni; kake eeta iltung'ana loo Siraeli pooki ewang'an teine nemanya ninche.

Neitorioo Musa eng'udi enye ti oriong e nkop e Misiri, neyau Olaitoriani olkutati le nkilepunoto e nkolong ina kop endama pooki o ina kewarie pooki; ore ake peyie ekenyu eyaua duoo olkutati le nkilepunoto e nkolong ilmaat. Nepuonu ilmaat oriong enkop pooki e Misiri, neton te nkop pooki e Misiri, emus sapuk oleng o lmaat neitu aekata etumi nemeitokini aekata aatum.