Popular Bible Verses from मत्ती 15

Share

तर मुहओर्से निक्रना वचन मनमसे अइठा, ओ उह वचनले मनैन अशुद्ध बनैठा। काकरकि मनमसे खराब विचार, हत्‍या, व्‍यभिचार, चोरी, झूट साक्षी ओ अपमान निक्रठा।

मुहओर्से भित्तर जैना खानले किहुह अशुद्ध नैबनाइट्‍, तर मुहओर्से बाहर निक्रना खराब वचनले हुँकन अशुद्ध बनैठा।”

‘यी मनै महीह मुहले केल आदर कर्ठ, तर हुँकन्‍हक मन महीसे धेर दूर बाटन। महीह करल हुँकन्‍हक आराधना त बेकार बाटन, काकरकि हुँक्र म्‍वार शिक्षा सिखाइपर्ना ठाउँम मनैन्‍हक शिक्षा सिखैठ।’”

तब येशू हुँकहीन कल, “हेरो बाबु, टुँहार विश्‍वास भारी बा। टुँहार कहलअस ह्‍वाए।” तबहेँ हुँकहार छाई चोखागैली।

उ जन्‍नीमनैया आउर लग्‍घ अइली ओ येशूक पाउ पर्क कली, “हे प्रभु, महीह सहायता करी।” उहाँ कल, “लर्कन्‍हक रोटी कुक्‍कुरीन्‍हक आघ फँक्‍ना ठीक नैहो।” ऊ कली, “हो प्रभु, तर कुक्‍कुर फे त आपन मालिकन्‍हक खसाइल टुक्रिटुक्रा खैठ।”