Popular Bible Verses from मत्ती 13

Share

मलगर जग्‍गम परल बीया कलक ओसिन मनै हुइट: हुँक्र वचन सुन्‍ठ, बुझ्‍ठ ओ सय गुणा, साठी गुणा ओ तीस गुणा फारा फरैठ।”

कँटाहा जग्‍गम परल बीया कलक ओसिन मनै हुइट: हुँक्र परमेश्‍वरक राज्‍यक बारेम वचन त सुन्‍ठ, तर यी जीवनक चिन्‍ताफिक्री ओ धनसम्‍पत्तिक ल्‍वाभलालचले हुँकन्‍हकम वचनह उट्‌मुटादेठा। उहओर्से हुँकन्‍हकम फारा नैफरट्।

डगरिम परल बीया कलक ओसिन मनै हुइट: हुँक्र परमेश्‍वरक राज्‍यक बारेम वचन सुन्‍ना त सुन्‍ठ, तर नैबुझ्‍ट। तब शैतान आक हुँकन्‍हक मनम बुइल् बीया अछिन्‍क लैजिठा।

पत्‍थ्राहा जग्‍गम परल बीया कलक ओसिन मनै हुइट: हुँक्र परमेश्‍वरक राज्‍यक बारेम वचन सुन्‍टीकि खुशीसे स्‍वीकार कर्ठ। तर यी वचन हुँकन्‍हक मनम गहिँरसम जर ट्‍याक नैपैलकओर्से, हुँक्र धेर समयसम टिक नैसेक्‍ट। परमेश्‍वरक वचन मन्‍लक कारण दुःखकष्‍ट या सतावट अइटीकि पाछ हट्‍जैठ।

“स्‍वर्गक राज्‍य कौनो जग्‍गम गारल बहुमूल्‍य धनअस हो। कौनो मनैया भेटाइल कलसे, फेदोस्र भठारदेठा, ओ ऊ खुशी हुइटी जैठा ओ आपनठे रहल सक्‍कु सम्‍पत्ति बेँच्‍क उ जग्‍गा किन्‍ठा।

आकुर बीयाजुन मलगर जग्‍गम परल, ओ कौनो सय गुणा, कौनो साठी गुणा ओ कौनो तीस गुणा फरल।

गोहूँ कट्‍ना समय नैहुइट्‍सम दुनु चिजह सँगसँग बाह्र देओ। जब गोहूँ कट्‍ना समय आई, तब गोहूँ कटुइयन कहम, पैल्‍ह घाँस उँखारक जराईक लाग ब्‍वाझा पारो, तबदोस्र गोहूँजुन जम्‍मा कैक बखारीम ढरो।’”