Popular Bible Verses from लूका 15

Share

तबदोस्र ऊ उठल ओ घरओर लागल। “ऊ घर पुग्ल नैरह त, वाकर बाबा दूरहसे आपन छावह आइट्‍ देख्डर्ल। देख्टीकि हुँकहीन दया लग्‍लन। ऊ दगुर्टी गैल ओ ओहीह उँक्‍वारभर पकर्क चुम्‍ल।

काकरकि यी म्‍वार छावा मुरलहा, जिक आरहल, हेरारलहा, भेटगिरहल।’ तब हुँक्र खुशीयाली मनाइ लग्‍ल।

मै टुँहन कहटुँ, ओसहेँक ठीक जीवन जिउइया उनान्सयठो रलकम स्‍वर्गम आनन्‍द मनाजैठा। तर स्‍वर्गम ओहीसे धेर आनन्‍द तब मनाजैठा, जब एकठो पापी मनैया आपन पापी मन परिवर्तन कैक परमेश्‍वरकठे घुम्‍ठा।

आब मै घर जाक आपन बाबह कहम, “बाबा, मै परमेश्‍वर ओ टुँहार नजरम पाप कैरख्‍नु।

“तब छावा कलन, ‘बाबा, मै परमेश्‍वर ओ टुँहार नजरम पाप कैरख्‍नु। मै त टुँहार छावा कैजिना लायक फे नैहुइटुँ।’

“मानली टुह्रमध्‍ये एक जन्‍हक सयठो भेँरी बाट। चह्राए लैगैलम, यदि एकठो हेरागैल् कलसे, उ चह्रुइया का करहीँ? ऊ उनान्सयठो भेँरीन चह्रनम छोर्क एकठो हेराइल भेँरोह नैभेटाइट्सम वाकर खोजी नैकरहीँ का?