Popular Bible Verses from Psalms 103

Share

Qujagilugu Ataniq uummatiga, puiguqtailutin ikajuningik ilaranainman.

Huinniqutitka tamaita ihumagijungnaiqpagain, aaniarutitkalu pijaaqhugit. Taffuma annautijaanga iluvikhamnin, nakuruqtittunga quviakkutamigun naglingnirmigullu Atan'nguplu inuuninga ilumiqtiliqtaa nakuujumik hakugingniqaquplunga unaguqhimaitumik qupanuaqpaktun.

Uummatiga qujagiguuk Ataniq, atqa nakuujuq nakuugijauli uvamnun tamaanin.

Aahiin, inuk nutaralik nutaqqaminun ilaranainman, taimatun Ataniq ilaranaitpiaqtuq tapkununga iqhigikpatjuk.

Huli, ualinirmiun ungahiktigiplutik kivallirnin, taimaatun Godim nuutpagain huinniqutivut uvaptingnin.

Ataniq nagliktaqtuq quviaqqutiqaqhuni nanngaarnaqtuq iliranaitpiarman.

Atan'ngum huakturunaiqtaatigut pijakhaptingnik akiraqturumanngitkiplutalu huinniqigaluarapta. Qilak nunamin kingikpiangman aktigijumik, atjikkiiktumik Godim quviakkutaa pihimajuq tapkununga iqhigippatjuk.

Ataniq qilangmi ikhivautarjuaqaqtuq tamainnun ataniupluni.