Popular Bible Verses from लुका 14

Share

“साङ अ़ङ्‌काएदा ता, खोन्‍कि अ़पा, अ़मा, अ़खिम्‍हाङ्‌मा, अ़छाचि, अ़द़क्‍छाबुवाचि, अ़नानिछाचि खोन्‍कि आप्‍पिओ अ़ह़ङ्‌म़ङ अ़ङ्‌कादाङ्‌का च़लोक सोमातुक्‍तु, मो अ़ङ्‌काखेङ लिमा अ़ऱनिन।

खोन्‍कि साङ्‌आ अ़क्रुस खुयु खोन्‍कि अ़ङ्‌का अ़त़ङ्‌ऩङ, मो अ़ङ्‌काखेङ लिमा अ़ऱनिन।

देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

खोन्‌ओसा झारा आम्‍नुओ सामाचि त़छिरिमिन्‍चिन्‌नालो साङ्‌छाङ अ़ङ्‌काखेङ लिमा त़ऱन्‍मिन।

खानानिन्‌दाङ्‌का साङ्‌आ अ़क्‌तात तुङ मुमानि मिन्‌याङ्‌नालो मो तुङ मुमाओ फेक्‌वाआ लात्‍तु हे अ़लात्‍तुन निकि दि मोसाआ बुया युङ्‌कि अ़चाम्‍सुन्‍खान कि? मोवात्‍नि मान्‍च़माङ मोसाआ अ़छ़ङ युङ्‌सुकि चिन्‍मा अ़ऱन्‌नालो काखाङ झारासा ओवात्‍नि य़ङ्‌याङ्‌सा मो सुङ्‌मा अ़पुङ, ‘ओ म़नाआ मुमाना पुङ्‌सु, मेन चिन्‍मा मान्‍ऱदो।’

मेन खाना चा त़प़चिहिदा मान्‍तोक्‍कादा, पेसोला, एक्‍सोक्‌वा खोन्‍कि दोप्‍म़क्‌चि बुत्‍तुचि, खोन्‍कि खाना आसिखा त़तोक्‍तु। मोवात्‍नि त़च़नालो मोचिआ खाना अ़फान्‌दा चा प़मा ऩऱनान, मेन आदेङ साम्‌योक्‍मिचि म़स़दाओदाङ्‌का म़लाखोन्‍लोन्‌हिदा खाना ओसोओ सिरिफा त़तोक्‍तु।”

युम अ़नुवाक ओ, मेन युम्‌ओ अ़लुमा माखात्‌नालो मो दिसाआ युम्‍पाक्‍पाक्‌वा खाना लामामुमा त़ऱ? ओ ना बाखाओ निकि काचि मु, ना म़लाओ निकि काचि मु, दिदाछाङ अ़काचि अ़मेत्‍तुन्‌ओसा बुङ्‌खाया वेत्‍खान। साङ्‌को अ़एन्‍खा नाबाक याक्‌याङ मोसाआ एनुने!”