Popular Bible Verses from युहन्‍ना 14

Share

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

“आम्‍नुओ साकोङ्‌वा चाअ़त्‍लो अ़लिनिन्‍ने। निनाम्‍हाङ्‌एदा साकोङ्‌छ़ङ त़मुन, अ़ङ्‌काएदाछाङ साकोङ्‌छ़ङ मुवानिन।

मेन यायोक काप़पा सेङ्‌लावा, मो अ़ङ्‌पापाआ अ़ङ्‌ऩङ्‌दा अ़य़, खोक्‍कोसाआ खानानिन झारा य़ङ्‌चि ऩचिन्‍तिन, खोन्‍कि अ़ङ्‌का खानानिन लोनानिन्‌ओ झारा य़ङ खानानिन मित्‍ऩमेत्‍तिन।

अ़ङ्‌का सोमाकातुक मोङा ओ, साङ्‌एदा अ़ङ्‌लोमाय़ङ्‌चि म़युङ्‌याङ खोन्‍कि मोचि मुचि। अ़ङ्‌का सोमाकातुक अ़ङ्‌पापाआछाङ सोमाअ़तुक। अ़ङ्‌काछाङ मो सोमातुक्‍तुङ, खोन्‍कि अ़ङ्‌का आप्‍पि मोएदा खाङ्‌मुङान्‍च़ङ।”

खोन्‍कि अ़ङ्‌का अ़ङ्‌पापा लोङ, खोन्‍कि खोक्‍कोसाआ आम्‍नुओ निम्‍पाङ नि यायोक काप़ ऩप़न, खोन्‍कि खोक्‍को खानानिन्‌एदा अ़धुन म़युङ। खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

खानानिन्‌आ अ़ङ्‌ऩङ्‌दा दि त़दोरुम्‌नुछाङ अ़चुछालाम्‍पा अ़चुपाओ अ़चुऩङ लोङ्‌ने निम्‍पाङ अ़ङ्‌का मो मुङ। खानानिन्‌आ अ़ङ्‌ऩङ्‌दा दि त़दोरुम, अ़ङ्‌का मो मेत्‍ना प़नानिन।

खानानिन्‌आ अ़ङ्‌का सोमात़तुक्‍ङाऩङ्‌नालो अ़ङ्‌लोमाय़ङ्‌चि त़मुम्‍च़म।

अ़ङ्‌पापाओ अ़चुखिम्‌दा युङ्‌खाचि ब़द्‍धे म़युङ्‌याङ। मोत्‍नि माआङ्‌ओ खाङ्‌दे दि अ़ङ्‌का ‘आम्‍नुओ निम्‍पाङ युङ्‌खाचि चुम्‍सि खात्‍ङाङा’नि खानानिन लोनानिन्‌ओ कि?

खोन्‍कि खात्‍ङाकि अ़ङ्‌का आम्‍नुओ निम्‍पाङ युङ्‌खा चुम्‍सुङ्‌कि अ़ङ्‌का लाङाताङा। खोन्‍कि अ़ङ्‌का खानानिन खात्‍नानिन। खादा अ़ङ्‌का युङ्‌ङा, मोदा खानानिन्‌छाङ त़युङिन।

थोमाआ खोक्‍को लो, “हाङ्‌पो, खानानिन खादा त़खारिन्‌येन्‌ओ, आन्‍कान्‍का अ़सिन्‍तिमिन्‍का। खोन्‍नालो आन्‍कान्‍का लाम देत्‍नि सिन्‍मा ऱम्‍का?”