Popular Bible Verses from युहन्‍ना 10

Share

काख़ ना ख़सि, सेत्‍सि खोन्‍कि लुक्‍सि ओन्‍ङा ता। मेन अ़ङ्‌का ना भेराचिआ ह़ङ्‌म़ङ अ़तोक्‍ने खोन्‍कि मो ह़ङ्‌म़ङ च़लोक अ़तोक्‍ने निकिना ताङ्‌ओ।

अ़ङ्‌का अ़नुवाक भेरा काखाङ्‌पा ओ। अ़नुवाक काखाङ्‌पाआ अ़भेराचिओ निम्‍पाङ अ़ह़ङ्‌म़ङ प़।

अ़ङ्‌भेराचिआ अ़ङ्‌य़ङ अ़एन, खोन्‍कि मोचि अ़ङ्‌का सिन्‍तुङ्‌च़ङ, खोन्‍कि मोचिआ अ़ङ्‌का ऩत़ङ्‌ङा।

मोचि अ़ङ्‌का अ़लुक्‍निन्‌ओ ह़ङ्‌म़ङ प़ङ्‌च़ङ, खोन्‍कि मोचि देम्‍खाछाङ ऩलुक्‍निन, खोन्‍कि साङ्‌आछाङ मोचि अ़ङ्‌छुक्‌दाङ्‌का ऩङाप्‍ऩङ्‌खात्‍ऩङ।

लाप्‍तिखोप अ़ङ्‌काङा ओ। साङ अ़ङ्‌कालाम्‍पा वाङ्‌नालो मोचि म़लेत, खोन्‍कि खिम्‍हुत बुङ्‌खा लोइसा वाङ्‌सा म़मु, खोन्‍कि नागिदा चान्‍मा अ़तोक।

अ़ङ्‌का अ़नुवाक भेरा काखाङ्‌पा ओ। अ़ङ्‌का अ़ङ्‌भेराचि सिन्‍तुङ्‌च़ङ, खोन्‍कि अ़ङ्‌भेराचिआ अ़ङ्‌का ऩसिन्‍ङा।

अ़ङ्‌पापाआ मोचि अ़ङ्‌का ऩपुवाङ्‌युङ्‌साङ, खोक्‍को झारादाङ्‌का तोक्‍पो म़मुयाङ। अ़ङ्‌पापाओ अ़चुछुक्‌दाङ्‌का साङ्‌आछाङ मोचि अ़ङाप्‍तुन्‍खात्‍तुन्‍चिन। अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

देत्‍नि अ़ङ्‌पापाआ अ़ङ्‌का ऩसिन्‍ङा, मोवात्‍निङा अ़ङ्‌का अ़ङ्‌पापा सिन्‍तुङ। अ़ङ्‌का अ़ङ्‌भेराचिओ निम्‍पाङ अ़ङ्‌ह़ङ्‌म़ङ प़ङ्‌च़ङ।

साङ्‌आछाङ अ़ङ्‌कादाङ्‌का अ़ङ्‌ह़ङ्‌म़ङ खात्‍मा अ़ऱन, मेन अ़ङ्‌का आप्‍पि अ़ङ्‌मिन्‍माआ अ़ङ्‌ह़ङ्‌म़ङ प़ङ। अ़ङ्‌ह़ङ्‌म़ङ प़मा पाङ अ़ङ्‌काएदा याक्‌याङ, खोन्‍कि लामातोक्‍मा पाङ्‌छाङ अ़ङ्‌काएदा याक्‌याङ। ओ लोमाय़ङ अ़ङ्‌का अ़ङ्‌पापाएदाङ्‌का तोक्‍तुङ्‌युङ्‌सुङ।”

खोन्‌ओसा येसुआ मोचि म़लासुलोचि, “अ़नुछ्‍या, अ़ङ्‌का खानानिन लोनानिन, भेरा वाङ्‌खाओ अ़लाप्‍तिखोप अ़ङ्‌काङा ओ।

भेरा खाङ्‌सि युङ्‌साओ हारुक बेन्‍पा खाहिदा भेराचि छिरुदाचिकि फुङ। देकिनालो भेराचि खोसोओचि माआङ, खोन्‍कि बेन्‍पाआ भेराचि झोम्‍तुचि खोन्‍कि भेरा रुहुप्‌चि फात्‍ताफेला मुचि।

“अ़नुछ्‍या, अ़ङ्‌का खानानिन लोनानिन, साङ भेरा युङ्‌खाओ लाप्‍तिखोप्‌दाङ्‌का अ़वाङ्‌निन, मेन नि लाम्‌दाङ्‌का वाङ, मो ना काख़पा खोन्‍कि काङाप्‍खात ओ