Popular Bible Verses from Sɩngre 21

Share

Sẽn-Ka-Saab tẽega a Saara yell wa bãmb sẽn dag n yeelã, la Sẽn-Ka-Saab maana wa bãmb sẽn dag n goma.

Wẽnnaam wʋma bi-riblã koɛɛga. La Wẽnnaam malɛɛk zĩnda yĩngr n bool a Agaar n yeel-a yaa: «Agaare, yaa bõe n tar foom? Da zoe rabeem ye, tɩ bala, Wẽnnaam wʋma bi-riblã koɛɛgã a sẽn beẽ wã. Yik n dɩk biigã, la f gãd a nugã tɩ mam na n kɩtame t'a yɩ bu-kãsenga.»

A Saara rɩka pʋg n dog a Abrahaam bi-ribl a kʋʋlem wakate, wa sẽn zems wakat ning Wẽnnaam sẽn dag n togs yẽnda wã.

Dẽ, a Saara yeelame: «Wẽnnaam kõo maam laado. Ned ning fãa sẽn na n wʋm-a yel-kãngã, na n pusga laad mam wɛɛngẽ!»

La Wẽnnaam yeela a Abrahaam yaa: «Da maan sũ-sãang f bi-riblã ne f yem-poakã yĩng ye. Maan bũmb nins fãa a Saara sẽn kot foomã n kõ-a. Bala, na n yɩɩ ne a Izak la fo na n paam yagens sẽn na n tar fo yʋʋrã.

Mam na n kɩtame me, tɩ fo yem-poakã biig yɩ bu-kãsenga, bala, yẽnda me yaa fo biiga.»