Popular Bible Verses from Mark 9

Share

A Zezi yeela yẽ yaa: Yãmb sã n tõe? Ned ning fãa sẽn tẽed tõee bũmb fãa.

Tao-tao bala, biigã ba zẽka a koɛɛg n yeele: Mam tẽedame. Paas-y m tẽebã t'a paoodame.

Wakat ning a Zezi sẽn kẽ roogẽ tɩ neb a taab ka be be, bãmb karen-biisã soka bãmb yaa: Bõe tɩ tõnd ka tõog n dig zĩn-kãngã? A Zezi yeela bãmb yaa: Bõn-kãngã ka yita, tɩ sã n ka ne pʋʋsg ye.

Yamsem yaa bõn-sõngo. La yamsem noosem sã n yi, yãmb na n maana bõe t'a leb n yɩ noogo? Tall-y yamsem noosem n zĩnd ne taab ne laafɩ.

Ned sã n deeg bi-bilf a woto mam yĩnga, yaa maam la a reeg-yã. La ned sã n deeg maam, ka maam la a reegɩ ye, yaa sẽn tʋm-a maamã la a reeg-yã.

Mam yeta yãmb sɩda, tɩ ned sã n kõ yãmb koom mam yĩng tɩ y yũ, yãmb sẽn ya Kirist nebã yĩnga, a soab kõn kong a keoor ye.

La ned sã n maan kom-bõoneg kãens sẽn tẽed maamã ned a yembr t'a lʋɩ, sẽn ya neer n yɩɩd a soab yĩnga, yaa b sẽn na n loe a yubl ne neer kugr n lob-a ko-kãsengã pʋgẽ.

Fo nif sã n dat n maan foom tɩ f lʋɩ, bɩ f feoog-a. Yaa neer tɩ f yɩ nin-feoog n kẽ Wẽnnaam soolmẽ, n yɩɩd tɩ tall f nin a yiibã n tɩ kẽ bug-tẽnga