Popular Bible Verses from Zã 15

Share

Maam la nasaar sib tɩɩgã sɛɛga, tɩ yãmb ya wilã. Ned ning sẽn paad mam pʋgẽ, tɩ mam paad a soab pʋgẽ womda biis wʋsgo. Bala, sã n ka ne maam, yãmb ka tõe n maan baa fɩ ye.

Pa-y mam pʋgẽ, wa mam sẽn paad yãmb pʋsẽ wã. A wa nasaar sib tɩɩg will sẽn ka tõe n wom biis a toore, a sã n ka kell n tong ne tɩɩgã sɛɛgã, woto me, yãmb ka tõe n wom biisi, y sã n ka pa mam pʋgẽ ye.

Yãmb sã n pa mam pʋgẽ, tɩ mam goamã pa yãmb pʋgẽ, bɩ y kos bũmb ning fãa y sẽn data, la b na kõ yãmba.

Ka yãmb n yãk maam ye, yaa maam n yãk yãmba, n ning m tʋʋmd yãmb zutu, tɩ yãmb na kẽng n wom biisi, la tɩ yãmb biisã na pa wakat fãa. Woto, bũmb ning fãa yãmb sẽn na kos m baaba ne mam yʋʋre, b na kõ yãmba.

Nonglem ka be ninsaal yĩnga, n yɩɩd tɩ kõ f vɩɩm f zo-rãmb yĩng ye.

Will ning fãa sẽn tão mam zug n yaool n ka womd biisi, m baaba kʋrgd-a lame. La b na n yosa will ning fãa sẽn womd biisi, t'a tõe n wom n paase.

Ad mam tõogo: Nong-y taab wa mam sẽn nong yãmbã.

Yãmb sã n wom biis wʋsgo, m baaba na n paama waoogre, la yãmb na n yɩɩ mam karen-biisi.

Mam yaa nasaar sib tɩɩg sɛɛg meng-menga, la m baaba yaa nasaar sib pʋ-koaada.

Ned sã n ka paad mam pʋgẽ, b na n lob-a-la yɩng wa nasaar sib tɩɩg willã, la a na n kʋɩɩme. La b wʋkda wilã n tugund bugum, la bugmã rɩt-b lame.

Mam goma ne yãmb a woto, tɩ mam sũ-noogã na zĩnd yãmb pʋgẽ, la tɩ y sũ-noogã na pidi.

Yãmb sã n tall mam tõodã, yãmb na n paa mam nonglmã pʋgẽ, wa mam me sẽn tall m baaba tõod n be bãmb nonglem pʋgẽ wã.

Bũmb ning mam sẽn yet yãmb tɩ y maane, yaa tɩ y nong taaba.

Yãmb sã n dag n ya dũni rẽnda, dũni neb dag n na nong bũmb nins dũni sẽn so. La yãmb sẽn ka dũni rẽnda, n paas mam sẽn tũus yãmb n yiis dũni neb sʋkã yĩnga, dũni rãmb kisa yãmba.