Popular Bible Verses from Luki 9

Share

Lani, Jesu den yedi bi niba kuli: «Yua n bua ki yaa ŋua nni kuli, wan yie o yuli, ki yaa bugi o dapoanpoanli daali kuli ki nan yaa ŋua nni.

Yua n bua ki gaa o miali kuli, o baa biani li. Ama yua n baa biani o miali kelima mini yaa po kuli, baa faabi li.

Jesu go den yedi o: «Yua n mubini li naakuuli ki baa yaa ko, ki go gbagidi ki nua puoli, waa dagidi U Tienu diema po.»

O nilo yaa baa ki diedi ŋanduna kuli ke o miali nan bodi, bi ki bolini o yuli, li baa ŋanbi o po be?

Yua n jie i fe mini leni n maama po, o Joa Bijua moko baa ti jie o po i fe o yaa cua leni o kpiagidi leni Baa yaa kpiagidi ki yegi leni yaa malekinba n gagidi ki ŋani.

Jesu den guani ki yedi o: «I coli pia i fali, ti bonyugiditi mo pia a tiana, ama o Joa Bijua wani naa pia wan baa yaa dua naani.»

ki yedi ba: «Yua n gaa ki naa biga cangu n yeli nni, o gaa mini n ba yaa cangoe. Yua n gaa mini mo yaa cangu, o gaa yua n soani nni yaagoe. Yi siiga yua n wa ki cie yikuli, wani n tugi li yuli.»