Popular Bible Verses from MARIKI 2

Share

Yezu y'u ka kuma mɛn minkɛ, a y'a fɔ u ye ko: “Mɔgɔ minw ka kɛnɛ, olu mako tɛ furakɛla la, banabagatɔw le mako b'a la. Mɔgɔ minw b'u yɛrɛw jati mɔgɔnyumanw ye, ne ma na olu wele, nga mɔgɔ minw b'a lɔn ko u ye kojugukɛlaw ye, ne nana olu le wele.”

Yezu y'a ye k'o mɔgɔw lara ale la minkɛ, a y'a fɔ muruku ye ko: “N teri, ne y'i ka kojuguw yafa.”

O kɔ, Yezu y'a fɔ u ye ko: “Ala ye lafinyɛlon sigi mɔgɔ nafa kɔsɔn, a ma mɔgɔ dan lafinyɛlon kɔsɔn.

U tun tɛ se ka gwɛrɛ Yezu la jama kɔsɔn minkɛ, Yezu tun bɛ boon kɔnɔ yɔrɔ min na, u yɛlɛla k'o yɔrɔ sanfɛla walaka ka muruku jigi ni juru ye o woo fɛ k'a lanin to dilan kan.

Nga n b'a fɛ aw k'a lɔn ko see bɛ Mɔgɔ Dencɛ ye ka mɔgɔ ka kojuguw yafa ka n to dugukolo kan.” O kɔ, a y'a fɔ muruku ye ko: “N b'a fɔ i ye, wili k'i ka dilan ta ka taa soo.”

K'a fɔ muruku ye ko: ‘Ne y'i ka kojuguw yafa’, walima k'a fɔ a ye ko: ‘Wili k'i ka dilan ta ka taama’, o kuma fila la, jumɛn fɔli ka nɔgɔ?

O yɔrɔnin bɛ, cɛɛ nin wilila k'a ka dilan ta ka bɔ u bɛɛ nyana. U bɛɛ kabakoyara fɔɔ u tun bɛ Ala tando n'u b'a fɔ ko: “An ma nin nyɔgɔn ye abada.”