Popular Bible Verses from Yele-za-pɛr-tib 32

Share

A sob nɛ tɩ sowr'ʋ na: «A fʋ yúor dɩ na kɛ́ bo?» Ʋ sɔw: «Zakɔb.»

A sob nɛ na tɩ nyɛ̃ ʋ kʋ̃ tʋ̃ɔ́ a Zakɔb a bɛ mɔb pʋɔ a, ʋ tɩ ŋmɛ ʋ nɩ a kpɩɩlʋ ƴãw, a kpɩɩlʋ háa.

A Zakɔb tɩ ìr'ɩ a tɩ̃ɩsɔw, tɛr a ʋ pɔwbɛ ayi, a ʋ tõ-tõ-bi-pɔwbɛ ayi nɩ a ʋ bibiir pie nɩ been tɩ ƴãw bɛ kpɛ a gãwfʋ zie gãw a Yabɔkɩ bà-fʋɔla, lãwnɩ a ʋ bʋ̃-tɛrɩ za.

A Zakɔb tɩ yel ʋ na: «Yãayãa, yel a fʋ yúor kʋ̀ m.» Ʋ sɔw: «Bʋnʋ ƴãw n'a fʋ sowre mɛ̃ a ɩ̃ yúor?» Ɛ́ tɩ maal'ʋ a be.

A Zakɔb tɩ cɛ nɩ ʋ yõ, ɛ́ nɩr kãw tɩ mɔ̃ nɩ ʋ a zie tɩ wɛlɛ.

Ʋ tɩ yel'ɩ a Zakɔb: «A zie wɛlɛ na, bɛr mɛ̃ ɩ̃ cen.» A Zakɔb lɛb yel ʋ: «Ɩ̃ kʋ̃ bɛr fʋ fʋ cen ɛ, fʋ̃ʋ bɛ wa maalɩ mɛ̃ a.»

A sob nɛ lɛb yel: «Bɛ kʋ̃ cãà bʋɔlɛ fʋ Zakɔb ɛ, bɛ na bʋɔlɛ fʋ nɩ Ɩsɩrayɛl, bʋ̃ʋ n'ʋ vɛ̃, fʋ mɔ̃ nɩ nɩ a Naaŋmɩn nɩ a nɩsaalbɛ, ɛ́ tʋ̃ɔ́.»

Al pùorí, a Zakɔb puori à ŋá: «Ɩ̃ sãàkʋm Abraham nɩ ɩ̃ sãà Ɩzaakɩ Naaŋmɩn i, fʋ̃ʋ Sore e, fʋ yel mɛ̃ na: “Lɛb kul a fʋ tẽw, a fʋ nɩbɛ zie, ɩ̃ɩ na maalɩ fʋ na.”

A mʋ̃tɔ̃w tɩ pure nɩ a lɛn daar a Zakɔb na tɩ tu a Penɩɛl gãwfʋ zie gãw a. Ʋ tɩ lore nɩ wɔblʋ a ʋ kpɩɩlʋ na tɩ háa a ƴãw.

ɛ́ yel: «A Ezawu wa ta lo bɛ ŋa zu a, a bɛ ŋa na tʋ̃ɔ́ na zɔ cɩ̃ɛ.»

Ɩ̃ bɛ sɛwnɩ a nɔ̃wfʋ nɩ a yel-mɩŋa ɩ-ɩrɩ fʋ na tu n mɛ̃, a mãa fʋ tõ-tõ-bie a ɩ. Bʋ̃ʋ n'ʋ vɛ̃, a ɩ̃ dabɔl yõ n'ʋ ɩ̃ tɩ tɛr gãw nɩ a Zurdɛ̃, ɛ́ wa lɛbr waar tɛr a nɩbɛ nɩ a dʋn ziir ayi á ŋá.