Popular Bible Verses from Luki Sɛbɛ 8

Share

A ci ala na lo a tẽ-son pʋɔ wɔ̃ na taa nɩ a bala na wõ a ƴɛrɩ̃ ɩ̃ de ʋ tɛrɛ nɩ su-son nɩ su-pɩlaa; a ba cĩcĩ ɩraafʋ pʋɔ ba ma wɔ̃ na a wɔmɔ.

A ci ala na lo a gʋʋr pʋɔ wɔ̃ na taa nɩ a bala na wõ a ƴɛrɩ̃, ɩ̃-cɛ ba barʼã a tẽw naa baafʋ dɛn nɩ a naalʋ̃ʋ bɔfʋ, nɩ a yele vɩláa a kpɛ pɔw ba piw ba tɛɛlɛ; a ba wɔmɔ maa karɩ̃ wa.

A nɩbɛ ŋmɛɛ wɔ̃ na taa nɩ a ci ala na lo a kubie wɩɛr. A lɛ ba na wõ a ƴɛrɩ̃ ba ma sɔw na de nɩ nʋ̃ɔ ɩ̃-cɛ aa kpɛ a ba pʋ̃ɔ a tɩɛ nyɩbɛ kaarɩ̃ wa. A ba ƴɔ̃w-nyãa maa kam wa. A bɩɩrfʋ ɩ̃ wa ta ba, ba ma ŋmaa na yi.

A lɛ a na baar, a Jeeju soorʼã a ʋ par-tuurbe: “Nyɩnɛ a nyɩ ƴɔ̃w-nyãa be?” A dãbɩ̃ɛ nyɔw ba lãa ko nɩ ba nʋɔr a ba sooro taa: “Ala nɩ a naa tɔr, a kʋ̃ɔ tɔr jaa nɩ a sɛsɛb na jɔrɔ a ʋ ƴɛrɩ̃ a lɛ?”

A nɩbɛ ŋmɛɛ wɔ̃ na taa nɩ a ci ala na lo a sɔr juu. A lɛ ba na wõ a Naaŋmɩn ƴɛrɩ̃, a Satã wa na na ir ʋ a ba sube pʋɔ, a mɩnɛ a ba kɔ̃ sɔw ɩ̃ pɔw a faafʋ wa.

A bom jaa lɛ na sɔɔlɩ̃, a na yi na cãa pʋɔ, ɩ̃ a bom lɛ na ɩ bõ-gbul, a na yi na yẽw a nɩbɛ bɔ̃wnaa.

A pɔw nyɛ bɔ̃w ka a ꞌwaa tʋɔrɔ sɔɔlɔ wa, ɩ̃ mine wa lo gburĩ a dume a Jeeju pulẽe, ɩ̃ yel a nɩbɛ ba jaa nii-sɔw a ala ɩnɛ ʋ na sɩɩr ʋ, nɩ a mɩnɛ ʋ na kpɛmɛ a jie naan. A Jeeju yel ʋ: “Ɩ̃ bi-pɔw, a fʋ ƴɔ̃w-nyãa faa fʋ na. Cere nɩ su-ɓaar.”

a ba taw ta a Jeeju sɩ̃wnɛ ʋ yele nɩ: “Jãjaana! Jãjaana! Sɩ wɛrɛ na!” A Jeeju ir, na ʋ tan a sɛsɛb nɩ a kʋ̃ɔ na dama nɩ a kpɛ̃w, a sɛsɛb ŋmaa a fufu ɩ̃ a kʋ̃ɔ lɛ lo a lɛ a jom.