Popular Bible Verses from Luki Sɛbɛ 6

Share

Nyɩ́ tɩɩre; a lɛ a Naaŋmɩn na mɩ tɩɩrɛ kʋrɔ nyɩ. Ʋ na bɔ̃w na sɛw a bõ-mɩɩnaa a nɛ taa, ɩ̃ dam, a sɛw deere, ʋ kʋ nyɩ, a-na-ɩ a bom ʋlɔ nyɩ na de mana nɩ a yele, a ʋna bom a Naaŋmɩn na mɩ de manʼɩ̃ a nyɩ ben.”

A nɩ-son ma irʼã a yel-vɛlɛ ala ʋ na bin a ʋ pʋ-vɩlaa pʋɔ yi nɩ, ɩ̃ a nɩ-kpana ma ir a yel-kpansɩ ala ʋ na bin a ʋ pʋ-bier pʋɔ yi nɩ, a-na-ɩ a ala na sɛw a nɩrɛ pʋɔ, ala ɩ̃ yire a nʋɔr pʋɔ.

Ɩ̃-cɛ nyɩ́ nʋnɔ a nyɩ dɔ̃-deme, nyɩ́ maala ba a vɩlaa, nyɩ́ ma pɛ̃w ba a bom ɩ̃ nyɩ taa cɛlɛ a ba na lɩɛb ya nyɩ wa. A lɛ, a nyɩ yar na bɛrmɛ na, ɩ̃ nyɩ na mɩ ɩ na a saa juu Naaŋmɩn bi-dabsɩ a-na-ɩ ʋ ma maala na a vɩlaa a nɩsaa saansɩ nɩ a nɩ-bebe jie.

Nyɩ́ ɩ pʋ-pɩlaa deme a mɩnɛ a nyɩ Sãa na ɩ a pʋ-pɩlaa sʋbɔ.

“Nyɩ taa koro nɩrɛ wa, ɩ̃ a Naaŋmɩn kɔ̃ mɩ guor a nyɩ ƴɛrɩ̃ wa. Nyɩ taa ƴɔnɔ nɩrɛ ƴɛrɩ̃ wa, ɩ̃ a Naaŋmɩn ma mɩ ƴɔnɔ nyɩ ƴɛrɩ̃ wa. Nyɩ́ de a nɩbɛ mabfʋ bar kʋ ba; a lɛ a Naaŋmɩn na mɩ de a nyɩ mabfʋ bar kʋ nyɩ.

“Ɩ̃-cɛ a nyɩmɩ na cɛlɛ ma, ɩ̃ yele nyɩ na, nyɩ́ nʋnɔ a nyɩ dɔ̃ deme. Nyɩ́ maala a bala na ꞌlaar nyɩ vɩlaa, nyɩ́ bʋɔlɔ a son ƴɔnɔ a bala na sɔnɔ nyɩ, nyɩ́ sʋɔrɔ a Naaŋmɩn ƴɔnɔ a bala na hʋɔlɔ nyɩ.

A ala nyɩ na bʋɔrɔ a nɩbɛ ba maala nyɩ, nyɩ́ mɩ maala ba a lɛ.

A ala ɩ a nɩrɛ ɓa fʋ na a tʋkpal bõ-ƴen pʋɔ, lɩɛb a tʋkpal gãw na cɔw ʋ. A ala ɩ a nɩrɛ de fʋ na a fu, bar ʋ mɩ de a fʋ kparle. A nɩrɛ lɛ ɩ̃ wa sʋɔr fʋ a bom fú kʋ ʋ, ɩ̃ taa wa sooro a fʋ bom a nɩrɛ na de wa.

“Tɩ-son ma be be na wɔnɔ bi-kpana wa; a lɛ ʋ mɩ, tɩ-kpana ma be be na wɔnɔ bi-son wa.

A-na-ɩ a wɔmɔ ba bɔ̃wnɔ nɩ a tɩɛ; ba maa ꞌwɔ̃w ꞌwɔrɔ gʋ-pɩlaa juu wa, ba maa mɩ ꞌwɔ̃w aaraa gʋ-salaa juu wa.