Popular Bible Verses from Luki Sɛbɛ 3

Share

A mɩnɛ a Jã na dãa mʋr a nɩbɛ ba jaa a kʋ̃ɔ baar, lãa nɩ a *Jeeju, a Jeeju sʋɔrɔ na a Naaŋmɩn ɩ̃ a saꞌlon yuo, ɩ̃ a Naaŋmɩn Sɩɛ de a naŋmam ɩ̃gan suu wa jɛ a ʋ juu, ɩ̃ a ba wõ ƴɛrɩ̃sɩ a yi be a saꞌlon yele: “Fʋ̃ʋ ɩ a ɩ̃ Bi-nʋnaa, na kpɛ a ɩ̃ suur pʋɔ.”

a Jã yel a ba jaa: “A maa, ɩ̃ mʋrɔ nɩ nyɩ na a kʋ̃ɔ, ɩ̃-cɛ a ʋlɔ na tɛrɛ a fãw gãw ma be na be waara, ɩ̃ maa sɛw nɩ a ʋ nafaba sɩɩrfʋ wa. A ʋlɔ, a Naaŋmɩn Sɩɛ nɩ a vũu pʋɔ ʋ na mʋr nyɩ.

Nyɩ́ ɩ a nyɩ maal-bie a miile áa nyɩ yɛ̃ lɩɛbʼã, ɩ̃ nyɩ taa cãa yele a nyɩ mɩ̃ɛ á nyɩ ɩ na a Abʋraham bibiir wa. Ɩ̃ yele nyɩ na: a Naaŋmɩn na tʋɔ na maal a kʋsɩɛ asɩmɛ a lɩɛb ɩ a Abʋraham bibiir.

Wa nyɔw nɩ a ƴɛ̃ƴɛrɩ̃ ba gɔrʼã jɛw a kpãakpo bʋɔrɔ nɩ a tɩɛ nyɩbɛ ŋmaafʋ. Ala-ɩ̃-sɔ, a tɩɛ lɛ na ma wɔnɔ a wɔ̃-sono wa, ba na ŋmaa ʋ na lɔb ƴɔ̃w a vũu pʋɔ.”

A yele ala ta na a mɩnɛ a Naaŋmɩn ƴɛr-hiere Ejayi na dãa sɛb ƴɔ̃w a ʋ sɛbɛ pʋɔ yele: “Ʋ ɩ na a nɩrɛ na wuure a wɛkar pʋɔ yele: Nyɩ́ gbɛɛrɩ̃ a Nɩ-kpɛ̃ɛ sɔr, nyɩ́ cɔɔrɩ̃ a ʋ sɔr-bil a tor. A kokorsɩ a jaa na ɓʋrʼã, a tã-bɛrɛ nɩ a tã-bil a jaa na wɛlʼã gaal tene, a jiir ala na gɔ̃w na torʼã, a sɔr nyara-nyarasɩ na ɩ na pɔlɔ-pɔlɔ, ɩ̃ a bal bʋrɔ bʋrɔ ba jaa na nyɛ na a Naaŋmɩn faafʋ.”