Popular Bible Verses from MALAKI 3

Share

Ayeani haleanjeeda sean was gilba damanamughuush jeeda gijigooda, ak gwanda jeedeaba gheenyu hamita; ak abeeda goosimnyean, gwarugu NG'UTAMIIDA bea lugweega, ak ea meatineegwa seawuutka humng'eeda ak ghwanung' ghwahiing'aan ghawooda ghwahidu badahuukeagwa ea ghwanaawda.

Ak gaydareekusa deashamga aba badahuukeagwa, ea mwaaga haghweega ng'eanyiideang'wa; nea sabiiboodeang'wa mida madamnyeanda ea mayghwashnya jeata, gwarugu NG'UTAMIIDA bea lugweega. Ak gaygaguureewaneey eemoojiga sean dea siitaw ghawooda, aba gideaba gaywoosa ng'eanyiida miy gwarugu NG'UTAMIIDA bea lugweega.

“Gayghoah fugeasu, gwarugu NG'UTAMIIDA bea lugweega, aba eaweeteanyu easini gadiyeeda, ak gaydaaghu saawa gawuurji siida aghu orjeedaanyi gadiyeesa niny. Ak abeeda gajeamuusa ooheeleena fuga miyaasiin ea gea munyas, ak gooheeli siida bada ASEETA ea dea mabata niny.

“Ng'ula, Aniini gaydeajeagu giijasoocheandeanyu jea gwasinnean naweeda aba madeedeanyu, ak abeeda Ng'utamiida oogasayi gaygabay ghwahidu jeeda gheeda sibata ASEETA; nea giijasoocheanda neajeeda was dea oogasayi, ng'ula, ghwaan, gwarugu NG'UTAMIIDA bea lugweega.