Popular Bible Verses from Yohana 15

Share

Nene ndi muzabibu, inwe muli matambi. Homwene alidilamo mugati na nene, nane mugati nawe, mwenuyu alifyambya fisumo fingi, kwisi vuduhu na nene mukakovolile kuvezya kinhu.

Kitisi itambi likakovolile kufyambya fisumo kulyo lyenekili, ulu likadilile ku muzabibu, sisyo inwe vene ulu mukavile kudila mugati na nene.

Ulu inwe mulidilamo mugati na nene, na mihayo yane yilidilamo muwinwe, haho mulombe icho mulikova na mukupiwa.

Inwe mukansogolile nene, sumbwa nene namusogolile inwe, na namutulaga inwe, kigele muje na mufyambye fisumo, na fisumo finwe fidile, kigele chenicho mulamulombe Vava mu lina lyane uyu amupe inwe.

Kuduhu umo ali nako kutogwa kuhanya kukila kwenuku ayifumye myuye yakwe kunguno ya vanwani vakwe.

Kila itambi hawane holyene kufyambya ngʼo fisumo alilinja lyenili; na kila itambi holyene lilifyambya fisumo alilipyagulila, kigele lifyambye fisumo fingi.

Gwenugu guli mukumo gwane: inwe mwitogwe hamohene, kitisi namutogilwe inwe.

Mwenumo Vava alikumukiwa ulu inwe mulifyambya fisumo fingi, na syenisyo mukuvi vahemba vane.

Nene ndi muzabibu gwa loleyene na Vava ali muhambi.

Ulu umo akavile kudilamo mugati na nene, utagilwa hanze kitisi itambi, lyunyala, na valigakuminga na valigatagila mu moto, gupya.

Genaya namuwilile inwe, kigele kudeha kwane kuvemo muwinwe na kudeha kwinwe kukwile.

Ulu muliyilindila mikumo yane, haho mukudilamo mu kutogwa kwane, kitisi nene mwene nayilindilaga mikumo yamwa Vava na ndidilamo mu kutogwa kwakwe.

Yeniyi ndimulagila inwe, Mwitogwe hamohene.

Ulu inwe mwavagi va liwelelo, mbe liwelelo lyakitogilwe chalyo chene; alisi kunguno mukavile va liwelelo, sumbwa namusogolile inwe kufuma ku liwelelo, kunguno yeniyi liwelelo lilimugaya inwe.