Popular Bible Verses from Luka 15

Share

Pʼahavuhʼukuvala kwa yise. Ilelo lwʼashili alʼukutali, pʼuyise ahamulela, pʼishikuku shihamulema muhati, pʼahamushimbilila, ahamukukula, ahamufipa.

Shʼumwana wanʼuno amafuye, shinishi pʼazyusile havili, amatezile, shinishi palolesile havili. Pe vahandʼukuseshela nkani.

Mbavuzyʼine nkuti: Kumwanya kuliva nuluseshelo pamutalamalandu woka wʼakupinduha ukulusya kuvagolosu amashumi gasano nagane navasano navane ve vatakwanzʼulupinduho.

Pe mbuhaje lelo ukuvala kwa tata ukuyanga nawo ukuti: Tata, ntazilʼamalandu kumwanya nakukwaho.

Uwenʼumwana nyene wʼahati: Tata, ntazilʼamalandu kumwanya nakukwaho, shinishi pe ntahondeyʼukwitwa umwana waho.

Amwe alipʼumuntu kulʼimwe wʼali ningʼonzi amashumʼishumi, ilelo pe yokʼijende nukutega, amwe pʼatangazileha mulwugwa zyontʼizyamwavo amashumi gasano nagane nazisano nazine, ukuvalʼukulondola yiyo yʼitezile, ukufiha pʼayaga?