Popular Bible Verses from Yohani 15

Share

Ne bkwi lya mampensyʼine, mwe nsambʼimwe. Uno wengʼakuva mumwanʼine, uwene nkuva mumwakwe wuyo ine, wʼakuhoma insangʼinyinji, shenga mutakuvanga nane, pe zyonti zihvapota.

Simuvale mumwane shima imwe, pe nane ndivanga mumwinyu imwe. Inza she zyopʼinsamba zyeka zitakuhomʼinsanga nazimo inga zitakusyelemetela mwikwi lya mampensya, she muhonzizye namwe inga mutakusyelemetela mumwanʼine.

Inga mukuva mumwanʼine, pe namazwi gane gakuva mumwinyu imwe, pe mulavaje zyonti zyenga mukasimʼukulava, pe zikuvalila.

Mutatinji imwe mwe munseṿilʼine ndali, nene ne mbaseṿilʼimwe, havili mbatumile nene ntili muvale muhomʼinsanga, ukuti insanga zyinyu zivanje zya shima, pʼuTata avapanje zyonti zyenga mukulava mwizina lyane.

Atalipo numʼumuntu uwa shikunzi she shilusizye isha muntu wʼakuvafwilʼuvulanzi vwakwe avajenzi vwakwe.

Zyontʼinsamba izya papane zye zitakuhomʼinsanga, zyʼakwefwa, izyene zyonti zye zikuhomʼinsanga, zyʼakupalulila ukuti zyonjezyaje ukuhomʼinsanga.

Ulwenʼuluhomelezyo lwane lwe lunulu: Simukundane inza she nane mbakunzitʼimwe.

Mwe mumwo mumutimilʼuTata inga mukuhomʼinsangʼinyinji, havili muli va mwe vasundikwa vane.

Ine ne bkwi lya mampensya lya nalyoli. UwenʼuTata we muvwalamampensya.

Umuntu wengʼatakuva mumwanʼine, pʼakutajilwa kunzi fwe nsamba, akwuma. Zyʼavantu vakuzivunganiha, vakuzitaga mumwoto, zikupwa.

Zinizi mbavuzizye ukuti muhati zyinyu muvanje nuluseshelo lwe nkuseshela nane, pʼuluseshelo lwinyu ulu luyipelaje ukuva lwa vwila.

Inkomelezyo zyane inga mukuziviha mumoyo, pe mukusyelemetela mushikunzi shane, inza she nane nkuziviha mumwoyo inkomelezyo zya Tata nukusyelemetela mushikunzi shakwe wuyo.

Zyonti zinizi zye mbahomelezizye she nkuti mukundanaje.

Mupele mwe va munsʼumu, pe nkandi insi yiṿikunzite iṿwakwe, shinishi lelo she mute mwe va munsʼumu, she mbasavuye munsʼine, zyʼivapasitʼinsi.