Popular Bible Verses from Imbombo zya Vapositili 2

Share

PʼuPeteli ahavavuzyʼahati: Mupinduhaje, mwozelwaje mwenti woka woka mwizina lya Yesu Chilisiti, mwe muvwajʼuvuswila vwa malandu ginyu, pe muliposhelʼishikunjilwa sha MupepʼuMufinjile.

Ve vahumishizyʼinongwa zya vapositili nukuva poka nukumensulanyʼumukati nukuputa.

Vonti vahizulʼuMupepʼuMufinjile, vahandʼukuyanga mumilʼizinji, inza shʼuMupepo ahavapʼukuziyanga.

Pe vahaganduhʼapashezi ahalanga hafuma kumwanya, hali fwe ngati nkungʼimpiti yikuṿugula, hahizula munyumba mwe vavungine. Vahagʼimili zye zyali fwe ngati zya mwoto, zikuyitapulanya zikwimilila pamwanya pali vonti woka woka. Vonti vahizulʼuMupepʼuMufinjile, vahandʼukuyanga mumilʼizinji, inza shʼuMupepo ahavapʼukuziyanga.

Amanda gonti vahahomanaga mwa tempeli, valʼumwoyo woka, wope numukati vahamensulanyaga munyumba zyavo mwe zivaliye, iṿintu vahalyanga nuluseshelo namoyʼamasitakukutana. VahamutinihagʼuMulungu nukuva ve vankundwa kuvantu vonti. UwenʼuMwene ahavonjezyagʼamanda gonti mushivanza ve vaposilwe.

Zili va vovulo kumanda ga kumpelela, akuyangʼuMulungu, pe ndivitishizyagʼavantu vonti uMupepo wane, pʼavana vinyʼavanaṿuli navantanda valikuvwaga, pʼavalumendo vinyu valiyenyagʼiṿwitushizya, pe navasongo vinyu valilotʼinjozi.

Vonti ve vitisile vahavanga poka, ṿwonti vahahanaga. Pe vahakazyʼiṿwuma ṿwavo ninsavo yavo ye vali nayo, vahavagavanyʼavantu vonti ukulandata mwʼuvupina vwavo vwavaliye.

Pe vonti venga vakuputa kwizina lya Mwene valipona.

Izuva liligalunkana liliyipelʼukuva shisi numwezi wuliyipelʼukuva mavanda lwe suti lishilʼukwinzʼisiku lya Mwenʼipiti lye lilʼapazelu.