Popular Bible Verses from Matayos 24

Share

Tiaraki napona ntorrok, nelairobiju enyorrata oo lkumok. Kake olong'iri metabaiki enkiting'oto, ninye lolapok.

Neinosuni kulo omon lʼeng'ida o lʼenkarsishu tiatua olmaa pookin, peaku enjakenishu too loreren pookin, tekurum nelotu enkiting'oto.

Nipuopuo aaning' njorin o ririn loo njorin; eng'orai, pemiruturutu. Amu meata kata nemeaku nona pookin, kake eton eitu ebau enkiting'oto.

Amu edumunye olorere aarare olekai orere o enkarsishu nabo engai arsishu, nepuo aaku lameitin o nkeaitin o nkikirikirat enkop too wuejitin o wuejitin. Nera nona pookin enkiterata oo sinaitin.

Epuo aamuta shumata o enkop, kake mepuo aamuta rorei lainei tukul.

Amu epuo aapuonu ilkumok tʼengarna ai nejo: Ara nanu Kristos, nepuo aalej ilkumok.

Ore te ina kata nepuo aaitarasaki ndai atua enkisiloto, nepuo aar ndai entuata. Nipuopuo aaku looibaini tiatua loreren pookin t'olbae lʼengarna ai. Nepuo aarika ilkumok neikitalaro oopeny neibaro oopeny. Nepuo aainyototo layolounok kumok lʼelejare nepuo aaiminye ilkumok.

Nealu Yesus nejoki ninje: Eng'orai, pemeitapong'oo ndai oltung'ani.

Onaa entobirakinoto si ndai, amu elalotu Enkerai oltung'ani tʼenkata nimijojo.

Akae, enjololoto, amu miyololo, kaa kata elalotu Olaitoriani linyi.

Nemetii oloyolo ina olong' o ina saa, baiki ilmalaikan le shumata o Oinoti, neme Papa lai ake openy.

Amu epuo aainyototo ilkristoi lʼelejare o layolounok lʼelejare kumok, neitobir ilponot kituak o nkiputukunyot, pepuoi aaitapong'oo baiki lootegeluaki, teni eidimu.

Kake neijia anaa petaa too ngolong'i e Noa, neijia elaaku elotunoto Enkerai oltung'ani. Amu neijia anaa petaa ninje too nona olong'i, eton eitu eaku engare kitok: edaa, neokisho, neamisho, neamari, metabaiki ena olong' natijing'ie Noa engalawa; neitu eshilu ninje, metabana nelotu engare nea pookin, — neijia eaku baiki elotunoto Enkerai oltung'ani.