Popular Bible Verses from Varome 5

Share

Kyaindi Iruva mmbo aora ukundi lwakwe we muni shaasa alukundye. Mashika Kristo mmbo alefwa kimaruma kyeru llya lwekee valyamari.

Na ivika nsia llyivikaa nyinyira-fo. Mashika isarya lya Iruva lyammaa iletywa miriminy yeeru ni Mumuyo Mweele yeto lulensimbwa.

Nta nshi indo-da-fo, luvefura na ngatara-da, mashika ngatara mmbo teende usisiryo. Na ishora lya ngatara ni yeende ukaari, na ukaari mmbo lweende ivika nsia.

Kwakooya lwammaa ilyimmyo usumanu kimaruma kya iirikyo, luve vafoo sau yoo kwa Iruva, kyeendwa ni Nndumi weeru Yesu Kristo. Mashika mmbwe yeto aleluniinga ifikya isarya elyi na iirikyo elyi lukee nalyo neefura nalyo lwiivikye nsia yaakana itumbe lya Iruva.

Mashika llya yese lwekee vafwafwa, fyeeri fikiinana lyo Kristo aleshelufiiya yese valyamari.

Naasa mmwasi ya efyo lukammaa yekennywa usumanu efo samuny yakwe, mmbo lushekiaa unyafi elo kyeendwa mmbwe.

Mashika kwakooya kyeendwa ni uravi lwa nndu umwi vandu veengyi mmbo valeallwa ulyamariny, naa indo-da, kimmba yeto umwi aleva mwiirikya, vandu veengyi mmbo valeekenywa usumanu.

Nta nshi indo-da-fo, mmbo luvetiri ifura lwikee na Iruva kyeendwa ni Nndumi weeru Yesu Kristo, yeto luleona isandwa na Iruva kimaruma kyakwe.