Popular Bible Verses from Luka 14

Share

“Hee barnaxes naa hardáh amor'eé', nee inós bar baabuúwós gwaa aahhiiká, nee aayoorós nee hareerós nee na/'iiwós, nee hhaaeewós, nee slám inós kilós birta aahhiiká, i eeharusmooeé' tleehhiitiiká.

Hee barnaxes msalaábarós ga gagaariiká, nee naa aluueé' wa eeharinká, i eeharusmooeé' tleehhiitiiká.

Asma heé ti ureemiís, ku niinawees. Nee kudá' ti niinaweemiís, ku urees.”

Gawaá adoorihe baraá tla/angwhunge heé eeharusmooeé' tleehhiít i kaahh, barnaxes muruuwós kudá' sleémeero i kon ngwa geexayká.”

“Heé wák baraá tla/angwhunge bar doó úr oo gawtí tleér gu tleehhamór wa slaa', a in iwiítiíke ala alé, as hariímár bu'uut ngiwa faari, as ngiwa xui gídaabá hariímár bu'uuta i deéro? Ala do' tlehhemuuwo burngwa iimu/ún, nee aluuwo gway harslaaqaat alhhe'eesaro, mukdá' sleémeero oo adoodá' ga ár, inós kun wa qasén tari ooi, ‘Heewí do' tlehhemko guna iimu/ún, ala alhhe'eesaro hám gwa harslaaqaát.’

Bar muruú /ayma ugwa tléhh, narkuute na ateeteek, nee taqooraay, nee múk tiqtír sol'omit, nee taampu. Kuúng daqaní amohhooa a sleér, asma kuká' gár ur buiya' i káhh. Bu'utuuwók a bál waasle/uú múk gan'amká koóm.”

“Diwi ka hhoo'. Ala diwi maamahhaywós bira faák, gár ki qaasi a milá ar iwa maamahh? Hhape ga sangw gaa wa bu'uká tam ufú xwansláy. Aqo kan kwaahh tsee/aá tawór i alé. Hee barnaxes iiaá axamis gi kón i axaasi.”