Popular Bible Verses from Matayo 6

Share

Mubanze mwitanire obukamabwe n'ebiragirobye, aho n'ebi byona biliba byanyu.

Aho nyenkya eleke kubagiza akahangahango, aha rw'enshonga nyenkya erayemanya obwayo. Enaku z'ekiro kimoi nizimara aha rwa kir'ekyo.”

Kityo nimbagambira, oburora bwanyu butabaisa kahangahango, ngu muralyaki anga muranywaki, anga kufera emibili yanyu mukosha, ngu murajwaraki. Oburora tibulikushaga kyakulya? Anga omubili tigulikushaga bijwaro?

Iwe orwo orashomaga enshara, otahe omu kiyumba kyawe, okinge orwigi, oshomega enshara ahali Sho atalikuboneka. Mara wenene Sho ogwo abona ebishelekire alikuheera.

Ahonu mushomega enshara muti, “Isheichwe asingiire omw'iguru, eibara lyawe lihabwe ekitinwa. Obukama bwawe bwije, eby'ogonza bikorwe omu nsi nk'omwiguru.

Batutunge kir'eki ekyakulya kya buli kiro.

Batugarulire amafu gaitu, nk'okwo naichwe tugarulira abatufakalira.

Batatutahya mu bilengeso. Mara baturokore aha Mubisha.

Kuba kamuragaruliraga abantu amafu gabo, Isheinywe asingiire omw'iguru kwakwo na inywe arabagaruliraga.

Mulebe ebinyonyi ebikaharara, tibibiba anga kugesha anga kubiika mu sitoa. Kyonkai Isheinywe asingiire omw'iguru abiliisa. Inywe timulikubishagya nshonga?

“Mutalibiika itunga lingi mu nsi mbali liliirwa enyenje mara likamoma, n'abashuma mbali batema amaju bakaliiba. Mubiike eitunga omw'iguru, mbali litaliibwa nyenje anga kumoma anga bashuma kutema nju bakaliiba. Aha rw'okuba mbali eitunga lyawe lili kwakwo niho n'omutima gwawe guli.”

“Taliho muntu yakukolera bakama babili. Aranoba omoi, agonze asigaire; anga aragumira kimoi ahali omoi, asigaire amugaye. Timwakukolera Ruhanga na itunga.

Ka Ruhanga alengya atyo ekikamba, ekilikurora kir'eki, nyenkya kikanagwa omu kyoto, tabajweke kushagaho, inywe bantu abaina okwesiga kuke?

K'oragiraga eshumbusho, obumosho bwawe butamanya kyo bulyo bwawe bulikukora, eshumbusho yawe etamanyika. Aho Sho abona ebyeshelekire alikuheera.”

“Mwelinde kushohoza oburungi bwanyu omu maisho g'abantu kabababona. Aha rw'okuba aho Isheinywe asingiire omw'iguru aliba atakibatunga mperwa.

“Kamurasiibaga mutajunara nka ngobya, ahakuba behindura aha maisho, ngu abantu bamanye okwo basiibire. Nimbagambira ekilikwo, emperwa yabo bagiboine. K'orasiibaga oyesige amajuta omu mutwe abantu batakumanya okwo osibire, aho Sho asingiire aheshelekire alikuheera.”