Popular Bible Verses from Yohana 10

Share

Omushuma aija kwiba kushai n'okwita n'okusilikya. Inye nkaija k'entaama zigira oburora, mara zikabugilira kimoi.

N'inye mushumba murungi. Omushumba murungi ayehayo kufera entaamaze.

Entaama zange nizimmanya eiraka lyange, ninzimmanya, mara nizimpondera.

Ninziha oburora obw'eira lyona; tizilifa, kandi taliho alizinkwaikura mu mikono.

Inye n'inye mulyango. Omuntu alitaahira omuli inye alirokoka; alitaaha omu kiraro ashube aturuke agye omw'ilisizo.

N'inye mushumba murungi; entaama zange ninzimanya, nazo nizimmanya

Entaama ezo Tata yantungire nizinshagira ebintu byona, mara taliho muntu ashobora kuzikwaikura Tata mu mikono. Inye na Tata tuba kigambo kimoi.”

nk'okwo Tata amanya inye nanye nkamumanya, nikwo ndikwehayo kufera entaama zange.

Taliho yakubunyaka, kandi inye n'inyehayo oburora bwange okwo nyeyendeire. Nyina obushobora bw'okwehayo oburora bwange, mara nyina n'obushobora bw'okushuba kububona, omuruka ogu nkagwihya ahali Tata.”

Yesu ashuba abagambira ati, “Nimbagambira amazima, inye n'inye mulyango gw'entaama.

Omupakasi kushai atali mushumba, atali mukama wa ntaama, k'abona omushega nigwija anagaho entaama airuka; aho omushega ogwo gukwata entaama guzinaganaga.

Yesu agamba ati, “Nimbagambira amazima, omuntu ataaha omu buhyo bw'entaama atalesirwe mu rwigi, akaletwa muhanda gundi akakuuba akabugwamu, omuntu ogwo mushuma mara mushuga.